නොසැලකිලිමත්භාවය දෙදරු මවකට දිවි අහිමි කළ සංවේදී පුවතක්.

වාද්දූව නොම්බර එක දුම්රිය ස්ථානයේ දී අද (18) උදෑසන 06.00ට පමණ අනාරක්ෂිත ලෙස දුම්රිය මාර්ගය හරහා ගමන් කළ කාන්තාවක් දුම්රිය එන්ජිමක ගැටී මියගොස් ඇත.

එම කාත්තාව සිය රාජකාරි සඳහා පිටත්ව යාමට කොළඹ බලා ධාවනය වන දුම්රියකට නැගීමට මෙම දුම්රිය ස්ථානයට පැමිණ ඇත.

එහිදි දුම්රිය මාර්ගය හරහා ගමන් කිරීමට ඉදිකර තිබෙන ආරක්ෂිත දුම්රිය පාළමෙන් ගමන් නොකර අනාරක්ෂිත ලෙස දුම්රිය මාර්ගය හරහා ගමන් කිරීමේ දී එම අනතුර සිදුව ඇත.

මෙලෙස මියගොස් ඇත්තේ 36 හැවිරිදි මහ වස්කඩුව ප්‍රදේශයේ පදිංචිව සිටි දෙදරු මවක් වන අතර වාද්දූව පොලීසිය අනතුර සම්බන්ධයෙන් විමර්ශන පවත්වයි.