දුම්රිය ප්‍රමාදයක් ගැන දුම්රිය දෙපාර්තමේන්තුවෙන් එකවරම දැනුම්දීමක් මෙන්න.

දුම්රිය දෙපාර්තමේන්තුවෙන් විශේෂ දැනුම්දීමක් සිදුකර තිබෙනවා.

ඒ පුත්තලම මාර්ගයේ දුම්රිය ප්‍රමාදයක් ඇතිවිය හැකි බවයි.

ඒ රාගම සහ ජා ඇල අතර දී භාණ්ඩ ප්‍රවාහන දුම්රියක එන්ජිමක් පීලි පැනීම හේතුවෙන් ය.

මේ අතර, රථ වාහන ආලෝක සංඥා ඇතුළු මාර්ග සංඥා ⁣නොතකා රිය ධාවනය ගැන ආරක්ෂිත කැමරා පද්ධතිවල සටහන් වන දත්ත අනුව නීතිමය ක්‍රියාමාර්ග ගැනීමට පියවර ගන්නා බව වැඩබලන පොලිස්පති දේශබන්දු තෙන්නකෝන් මහතා සඳහන් කර සිටිනවා.

ඒ අනුව, ලබන සඳුදා (22) සිට මෙම ක්‍රියාමාර්ගය අනුගමනය කරන බවයි වාර්තා වන්නේ.

එහිදී රථවාහන වැරදිකරුවන් සොයා බලා දඩ පත්‍රිකා වාහනයේ ලියාපදිංචි හිමිකරුගේ ළඟම ඇති පොලිස් ස්ථානය වෙත යැවීමට ද නියමිත බවයි පැවසෙන්නේ.

අපරාධ පරීක්ෂණ දෙපාර්තමේන්තුව ප්‍රතිව්‍යූහගත කිරීම සඳහා ජාතික පොලිස් කොමිසමේ අනුමැතිය හිමි වූ බව ප්‍රවෘත්ති සාකච්ඡාවකට එක්වෙමින් වැඩබලන පොලිස්පති දේශබන්දු තෙන්නකෝන් මහතා සදහන් කළේ.

Sponsored By Sarrita Jewellery