පුහුණු වෛද්‍යවරුන්ගේ පිරිස වැඩි කිරීමේ තීරණයක්.

 වැඩබලන නියෝජ්‍ය සෞඛ්‍ය සේවා අධ්‍යක්ෂ ජනරාල් වෛද්‍ය ජී. විජේසූරිය මහතා පවසන්නේ පුහුණුව සඳහා බඳවා ගන්නා විශේෂඥ වෛද්‍යවරුන්ගේ ප්‍රමාණය වැඩිකිරීමට පියවර ගන්නා ලෙස සෞඛ්‍ය අමාත්‍යවරයා උපදෙස් ලබා දී ඇති බවයි.

විශේෂඥ වෛද්‍ය ගැටලුවට, විදේශ පුහුණුව සඳහා ගොස් ඇති වෛද්‍යවරුන්ගේ පැමිණීමත් සමඟ පිළියම් ලැබෙන බවත් ඔහු පැවසුවා.

ඒ පිළිබඳව වැඩිදුරටත් අදහස් දැක්වූ වැඩබලන නියෝජ්‍ය සෞඛ්‍ය සේවා අධ්‍යක්ෂ ජනරාල්වරයා,  

විශේෂඥ වෛද්‍යවරු පුහුණුකිරීමට බඳවා ගන්නා ප්‍රමාණය වැඩිකිරීම සඳහා උපදෙස් ලබාදුන්නා. සාමාන්‍යයෙන් විශේෂඥ වෛද්‍යවරයෙක් පුහුණුකිරීම සඳහා වසර 5ක පමණ කාලයක් ගතවෙනවා. වසර 5කදී පමණ මෙම ප්‍රශ්නය අනිවාර්යයෙන්ම විසඳීමට හැකියාව ලැබෙනවා. මොකද බඳවා ගන්නා ප්‍රමාණය දැන් ඉහළ දමා තියෙන නිසා. අපිට වැඩි ප්‍රමාණයක් විශේෂ වෛද්‍යවරු බඳවා ගැනීමට හැකියාව තියෙනවා. ඉදිරියේ දී විශේෂ වෛද්‍යවරු විශාල ප්‍රමාණයක් ලංකාවට පැමිණීමට නියමිතව තිබෙනවා. ඒ පිරිස පැමිණීමත් සමඟ මං හිතනවා මේ ගැටුම්කාරී තත්ත්වයට විසඳුමක් ලැබෙයි. විදේශ පුහුණුව ලැබීමට වෛද්‍යවරු 600ක පමණ පිරිසක් විදේශ ගතවෙලා තියෙනවා. මේ පිරිසෙන් යම් පිරිසක් පැමිණෙන්නේ නෑ. නමුත් 50%ක් පැමිණියත් සමඟ මෙයට යම් විසඳුමක් ලැබෙනවා. ඔවුන් තව වසරකින් පමණ පැමිණීමට නියමිතයි.