හෙද සේවයට දැවැන්ත බඳවා ගැනීමක් - තරුණ තරුණියන් 13,600කට රජයෙන් සුපිරි අවස්ථාවක්

ඉදිරි වසර තුනක කාලය තුළ හෙද සේවාව සඳහා 13,600ක පිරි­සක් බඳවා ගන්නා බව සෞඛ්‍ය හා ජන­මාධ්‍ය අමාත්‍ය වෛද්‍ය නලින්ද ජය­තිස්ස මහතා සදහන් කර තිබේ.

අමා­ත්‍ය­ව­රයා සඳ­හන් කළේ සෞඛ්‍ය ක්ෂේත්‍රයේ ප්‍රමා­ණා­ත්මක හා ගුණා­ත්මක සේවාව තවදුර­ටත් ඉහළ නැංවීමේ අර­මු­ණින් මෙම බඳ­වා­ගැ­නීම අදි­යර කිහි­ප­යක් යටතේ සිදු කරන බවයි

පේරා­දෙ­ණිය ශික්ෂණ රෝහලේ හදිසි අන­තුරු හා හදිසි ප්‍රති­කාර ඒක­කය සහ නවී­ක­ර­ණය කරන ලද රසා­ය­නා­ගා­රය විවෘත කිරීමේ අව­ස්ථා­වට ප්‍රධාන ආරා­ධි­තයා ලෙස ඊයේ (14) එක්වෙ­මින් අමා­ත්‍ය­ව­රයා මේ බව සදහන් කර ඇත.

සමස්ත සෞඛ්‍ය සේවාව විවිධ අභි­යෝග සහ දුෂ්ක­රතා මධ්‍යයේ පව­ත්වා­ගෙන යන නමුත්, එම තත්ත්ව­යන් අවම කිරීම සඳහා අවශ්‍ය කාර්ය මණ්ඩ­ලය බඳවා ගැනීම සහ අවශ්‍ය පහ­සු­කම් සැප­යීම රජය විසින් ක්‍රියා­ත්මක කරන බව ද ඔහු සදහන් කරයි.

ලංකාවේ ගාමන්ට් ටිකත් වැහෙන ලකුණු.. ඇඟලුම් අපනයන ආදායම බිමටම කඩන් වැටෙයි

හෙද සේවාව සඳහා බඳවා ගැනී­මට නිය­මිත පිරි­සෙන් 50%ක් මෙම වසර තුළම බඳවා ගැනී­මට සැල­සුම් කර ඇති බවත් යෝජිත හෙද විශ්ව­වි­ද්‍යා­ලය ආරම්භ කිරී­මත් සමග හෙද පුහුණු අවස්ථා තව­දු­ර­ටත් පුළුල් කිරී­මට හැකි­වනු ඇතැයි ද අමාත්‍යවරයා ප්‍රකාශ කර තිබේ.

දැනට හෙද විදු­හල් සහ විශ්ව­වි­ද්‍යාල මට්ට­මින් සෞඛ්‍ය ක්ෂේත්‍ර­යට අදාළ හෙද හෙදි­යන් බඳවා ගන්නා බව ත් ඔහු සදහන් කරයි .

ඒ අනුව මෙම වසර තුළ හෙද විදු­හලේ පුහු­ණුව සඳහා සිසුන් 3, 000ක් බඳවා ගන්නා අතර, මෙම මාසය අව­සන් වන විට බඳවා ගැනීම් අව­සන් කර පුහුණු කට­යුතු ආරම්භ කිරී­මට නිය­මිත බව ද වෛද්‍ය නලින්ද ජය­තිස්ස මහතා වැඩිදුරටත් ප්‍රකාශ කර තිබේ  .