මූලික විරෝධතාව ප්‍රතික්ෂේප කරද්දි යෝෂිත තමන් නිවැරදිකරු බව කියයි

මුදල් විශුද්ධිකරණය වැළැක්වීමේ පනත යටතේ හිටපු ජනාධිපති මහින්ද රාජපක්ෂ මහතාගේ පුත් යෝෂිත රාජපක්ෂ මහතාට එරෙහිව ඉදිරිපත් කර තිබෙන චෝදනාවක් පවත්වාගෙන යාමට නොහැකි බවට විත්තිය විසින් ඉදිරිපත් කළ මූලික විරෝධතාවක් කොළඹ මහාධිකරණය අද (14) දින ප්‍රතික්ෂේප කර තිබෙනවා.

මෙම තීන්දුව කොළඹ මහාධිකරණ විනිසුරු උදේශ් රණතුංග මහතා විසින් ලබා දී ඇත.

එසේම තීන්දුව ප්‍රකාශයට පත් කරමින් මෙම නඩුවේ විත්තිකරුට එරෙහිව එල්ල කර තිබූ කුමන්ත්‍රණය නමැති චෝදනාව පවත්වාගෙන යාමට නොහැකි බවට විත්තිය විසින් ඉදිරිපත් කළ මූලික විරෝධතාව පදනම් විරහිත බවට විනිසුරුවරයා සඳහන් කර ඇත.

රටේම මිනිස්සු කලබල කරපු මහා භාණ්ඩාගාරේ මුදල් ඕමානයේ..හැකර්වරුන් පැහැරගත් අ.ඩො.මි 6.6ක් හමුවෙයි

එබැවින් එම මූලික විරෝධතාව ප්‍රතික්ෂේප කරන බව කී විනිසුරුවරයා විත්තිකරුට එරෙහිව අදාළ චෝදනාව පවත්වාගෙන යාමට බාධාවක් නැති බවත් පවසා ඇත. පසුව විත්තිකාර යෝෂිත රාජපක්ෂ මහතාට විවෘත අධිකරණයේ දී චෝදනා පත්‍ර කියවාදීම සිදු කෙරුණු බව වාර්තා වේ.

එහිදී එම චෝදනාවලට තමන් නිවැරදිකරු බව විත්තිකාර යෝෂිත රාජපක්ෂ මහතා විත්ති කූඩුවේ සිට ප්‍රකාශ කිරීමත් සමඟ නඩු විභාගය ආරම්භ වී ඇත.

ලිංගික අපයෝජන චෝදනාව බොරු.. භෞතිකව ඉදිරිපත් නොකර රිමාන්ඩ් කරන්න බෑ - අටමස්ථානාධිපති හිමියන්ගෙන් අධිකරණයට දැනුම් දීමක්

කොළඹට යන එන අයට පොලීසියෙන් නිවේදනයක් - වසා දැමූ මේ අන්තර් හුවමාරුව යළි විවෘතයි