සීගිරියේදී විදේශිකයන් පිරිසක් වන අලියෙකුට කොටු වෙයි- ආරක්ෂක නිලධාරියා නිසා දිවි බේරුණු හැටි මෙන්න [VIDEO]

සීගිරිය පර්වත බලකොටුවේ ප්‍රධාන පිවිසුම් ස්ථානය අසලදී වන අලියෙකු හමුවීමෙන් විදේශිකයන් සිව් දෙනෙකුගෙන් යුත් කණ්ඩායමක් තුවාල නොලබා අනතුරෙන් බේරී තිබේ.

සිද්ධිය අලුයම 4.00ට පමණ සිදුව ඇති අතර, අදාළ වීඩියෝ දර්ශනවල දැක්වෙන්නේ විදේශිකයන් පිරිස සීගිරිය නැරඹීම සඳහා පිවිසුම් දොරටුව දෙසට ගමන් කරන අවස්ථාවේ වන අලියා ඔවුන්ගේ මාර්ගයට පැමිණ ඇති ආකාරයයි

. එම අවස්ථාවේ ආරක්ෂක මුරපොළේ සිටි නිලධාරියෙකු අනතුරු ඇඟවීමක් සිදු කිරීමත් සමඟ කණ්ඩායමේ කාන්තාවන් ඉක්මනින් එම ස්ථානයෙන් ඉවත් වීමට උත්සාහ කළහ.

කෙසේ වෙතත්, වන අලියා ඔවුන් පසුපසින් ලුහුබැඳ ගිය බව ද වීඩියෝ දර්ශනවල සටහන් වී ඇත.

අනතුරුව විදේශිකයන් සියලු දෙනාම කිසිදු තුවාලයක් හෝ අනතුරක් නොමැතිව ආරක්ෂිතව ඉවත් වීමට සමත් වූ අතර, පසුව වන අලියා එම ප්‍රදේශයෙන් ඉවතට ගමන් කරන ආකාරය ද දක්නට ලැබුණි.

මෙම සිදුවීම නැවත වරක් වන සතුන් ගැවසෙන ප්‍රදේශවල සංචාරය කිරීමේදී ආරක්ෂක උපදෙස් පිළිපැදීමේ වැදගත්කම අවධාරණය කරයි.

වීඩියෝ දර්ශන උපුටා ගන්නා ලදි