වතුර කපනවද? ජල සැපයුම ගැන අති විශේෂ දැනුම්දීමක්

යළි කාලසටහනකට අනුව ජල කප්පාදුවක් සිදුකරන්නේ නම් ලබන 19 වැනිදායින් පසු දැනුම්දෙන බව ජාතික ජල සම්පාදන හා ජලාපවහන මණ්ඩලය පවසයි. කෙසේ වෙතත් මෙතෙක් ඒ සම්බන්ධයෙන් තීරණයක් ගෙන නොමැති බව තොරතුරු වාර්තා වේ.

පවතින වියළි කාලගුණ තත්ත්වයත් සමග ජල සම්පාදන මණ්ඩලය සතුව පවතින සීමිත ජල ධාරිතාව සැලකිල්ලට ගනිමින් කාණ්ඩ වශයෙන් ජල කප්පාදු කිරීම ආරම්භ කළේ, පසුගිය 02 වැනිදා සිටයි.

අද දහවල් 1න් පසු ජනතාව ප්‍රවේශම්වෙන්න - කාලගුණයෙන් නිවේදනයක්

ඒ අනුව අදියර කිහිපයක් යටතේ කොළඹ දිස්ත්‍රික්කයේ හෝමාගම, පාදුක්ක ඇතුළු ප්‍රදේශ කිහිපයකට ජලය කප්පාදු විය. කෙසේ වෙතත් උත්සව සමය සැළකිල්ලට ගනිමින් අප්‍රේල් 11 වැනිදා සිට එම කප්පාදුව අත්හිටුවීමටයි ජාතික ජල සම්පාදන මණ්ඩලය තීරණය කළේය.

සිංහල අලුත් අවුරුද්දට පෙර පැවති ජල ඉල්ලුම මේ වන විට පහත වැටී ඇත්තේ ජනතාව ගම් බ්ම් බලා යාම සහ ඇතැම් ආයතන අවුරුදු නිවාඩුව සඳහා වසා දැමීම හේතුවෙන්ය. කෙසේ වෙතත් උත්සව සමයෙන් පසු ජලය සැපයීම පිළිබඳ තීරණය පවතින තත්ත්වයන් සමාලෝචනය කිරීමෙන් පසු ප්‍රකාශයට පත් කිරීමට තීරණය කර ඇත.

අද සිට ජනතාවට සුභ ආරංචියක් - දුම්රිය සහ පෞද්ගලික බස් ධාවනය ඉහළට