ලංකාවේ අත්‍යවශ්‍ය ආහාර ද්‍රව්‍යවල දැඩි හිඟයක්? අසත්‍ය පුවත ගැන අමාත්‍යවරයා හෙළි කරයි

කොළඹ වරායේ කන්ටේනර් ගොඩගැසීම හේතුවෙන් ඉදිරි දිනවලදී අත්‍යවශ්‍ය ආහාර ද්‍රව්‍යවල දැඩි හිඟයක් ඇති වන බවට පළවූ පුවත වෙළඳ, වාණිජ හා ආහාර සුරක්ෂිතතා අමාත්‍ය වසන්ත සමරසිංහ මහතා සම්පූර්ණයෙන්ම ප්‍රතික්ෂේප කළේය.

ප්‍රමිතියෙන් තොර කන්ටේනර් කිහිපයක් පමණක් ප්‍රතික්ෂේප කර ඇති බවත්, වෙළඳපොළට අත්‍යවශ්‍ය භාණ්ඩ සැපයීම බාධාවකින් තොරව සිදුවන බවත් අමාත්‍යවරයා පෙන්වා දුන්නේය. වරාය මෙහෙයුම් සාමාන්‍ය පරිදි සිදුවන බවත්, ආහාර ද්‍රව්‍ය වෙළඳපොළට නිකුත් කිරීමේදී කිසිදු බාධාවක් නොමැති බවත් ඔහු පැවසීය.

විභාග ප්‍රතිඵල ඉක්මනින් - විශේෂ සාකච්ඡාවක් දෙපාර්තමේන්තුවෙන්

පසුගිය දින කිහිපය තුළ මෙවැනි අසත්‍ය ප්‍රචාර සමාජය තුළ පැතිරවීමට හිතාමතාම උත්සාහ දරා ඇති බවද ඔහු පෙන්වා දුන්නේය. රටේ ප්‍රධාන වරායන් වෙත පැමිණෙන නැව් සංඛ්‍යාව සහ හැසිරවනු ලබන කන්ටේනර් ප්‍රමාණය සාමාන්‍ය මට්ටමට වඩා ඉහළ ගොස් ඇති බව අමාත්‍යවරයා සඳහන් කළේය.

කන්ටේනර් ගොඩගැසීම හේතුවෙන් අත්‍යවශ්‍ය භාණ්ඩ හිඟයක් ඇති වන බවට කතාවක් නිර්මාණය කිරීමට උත්සාහයක් ගත් බව ඔහු පැවසීය. කෙසේ වෙතත්, එවැනි කන්ටේනර් ගොඩගැසීමක් සිදු වී නොමැත.

වරායන් වෙත තවදුරටත් නැව් සහ කන්ටේනර් පැමිණෙමින් පවතී. මේ දක්වා කිසිදු අත්‍යවශ්‍ය භාණ්ඩයක හිඟයක් නොමැති බව අමාත්‍යවරයා ප්‍රකාශ කළේය.

හිඟ විශ්‍රාම වැටුපට විශේෂ වැඩපිළිවෙලක් - මාස 7ක විශ්‍රාම වැටුපට වෙන දේ මෙන්න

සීනි, පරිප්පු, අර්තාපල් සහ ළූණු ඇතුළු ප්‍රධාන පාරිභෝගික භාණ්ඩ වෙළඳපොළට බෙදා හැරීම සිදුවන බවත්, එමගින් ඇතැම් භාණ්ඩවල සිල්ලර මිල අඩු මට්ටමක පවත්වාගෙන යන බවත් ඔහු වැඩිදුරටත් පැවසීය.

මෑතකදී කතාබහට ලක්වූ මිරිස් කන්ටේනර් පිළිබඳවද අමාත්‍යවරයා වැඩිදුරටත් කරුණු පැහැදිලි කළේය. එය නිරෝධායන සහ තත්ත්ව පාලන නීතිවලට අදාළ තාක්ෂණික ගැටලුවක් පමණි.

මහින්ද කහඳගම අත්අඩංගුවට - කොළඹ මධ්‍යම අපරාධ විමර්ශන කාර්යංශය සැර වෙයි

පසුගිය මාස නවය තුළ අත්‍යවශ්‍ය භාණ්ඩ සහිත කන්ටේනර් 2,000කට අධික සංඛ්‍යාවක් පරීක්ෂා කර සාර්ථකව වෙළඳපොළට නිකුත් කර ඇත. ක්ෂේත්‍ර පරීක්ෂාවේදී අධික තෙතමනයක් සහිත බවට හඳුනාගත් මිරිස් කන්ටේනර් 7ක් හෝ 8ක් පමණක් රඳවා තබා ගන්නා ලදී.