විදුලි සේවකයන්ට ලැබෙන වන්දි මෙන්න

ශ්‍රී ලංකා විදුලිබල මණ්ඩලය ප්‍රතිව්‍යුහගත කිරීමේ වැඩපිළිවෙළ යටතේ ස්වේච්ඡාවෙන් විශ්‍රාම යන සේවකයන් සඳහා වන්දි ගෙවීමේ සැලැස්මක් බලශක්ති අමාත්‍යාංශය විසින් ඉදිරිපත් කර ඇත.

මෙම යෝජනාවට අනුව, සේවකයන්ට රුපියල් ලක්ෂ 9ක අවම සහ රුපියල් ලක්ෂ 50ක උපරිම සීමාවකට යටත්ව වන්දි මුදලක් හිමිවේ. බලශක්ති අමාත්‍ය කුමාර ජයකොඩි මහතා විසින් නිකුත් කරන ලද "2025 ශ්‍රී ලංකා විදුලි බල ස්වේච්ඡා විශ්‍රාම යාමේ යෝජනා ක්‍රමයේ නියම සහ කොන්දේසි" යටතේ මෙය ක්‍රියාත්මක වේ.

නඩු 14ක් තියෙනවා - පුළුවන් නම් අත්අඩංගුවට ගන්න කියලා මහින්දගෙන් අභියෝග

වන්දි ගෙවීමේ ක්‍රමවේදය  

වසර 10කට වැඩි සේවා කාලය : සේවා කළ සෑම වසරකට මාස දෙකක වැටුපක් සහ විශ්‍රාම යාමට ඉතිරි සෑම වසරකට මාස එකහමාරක වැටුපක්.

වසර 10කට අඩු සේවා කාලය :  සේවා කළ සෑම වසරකට මාස පහක වැටුපක් පමණක්; ඉතිරි සේවා කාලය සඳහා ගෙවීමක් නැත.

අත්අඩංගුවට ගත් බැකෝ සමන්ගේ වයිෆ් පොලීසියෙන් නිදහස්, බබත් එක්ක ආයේ ලංකාවට

මෙම ක්‍රමවේදය සේවකයන්ට දැනුම් දී ඇති අතර, ප්‍රතිව්‍යුහගතකරණයේදී අනුප්‍රාප්තික සමාගමකට යාමට අකමැති සේවකයන්ට මෙම යෝජනාව යටතේ වන්දි ලබා ගත හැකිය.

ඇතැම් වෘත්තීය සමිති මෙම යෝජනාවට දැඩි විරෝධය පළ කරන අතර, තවත් සමිති කොන්දේසි සහිතව එකඟතාව පළ කර ඇත. බලශක්ති අමාත්‍යාංශය පවසන්නේ, මෙම යෝජනාව මඟින් සේවකයන්ට තම ඉදිරි ගමන් මඟ තෝරා ගැනීමේ නිදහස ලබා දෙන බවයි.

මාව දේශපාලනයට ගෙනාවේ රනිල් - ඇමරිකාවේ ඉදන් රනිල් බලන්න ආව හර්ෂ