විජිත හේරත් ගැරී ආනන්දසංකරීට සුබ පතයි
Dev
කැනඩාවේ අධිකරණ අමාත්‍යවරයා ලෙස ශ්‍රී ලාංකේය දෙමළ ගැරී ආනන්දසංගරී පත් වීම පිළිබඳව විදේශ කටයුතු අමාත්‍ය විජිත හේරත් මහතා සුබ පැතුම් එක්කර තිබේ.
අද පාර්ලිමේන්තුවේදී ඔහු මේ බව ප්‍රකාශ කළේය.
කැනඩාවේ නව අග්‍රාමාත්‍ය මාර්ක් කාර්නි ඇතුළු අමාත්‍ය මණ්ඩලය ඊයේ (14) දිවුරුම් දීමෙන් අනතුරුව ගැරී ආනන්දසංගරී කැනඩාවේ අධිකරණ අමාත්‍යවරයා ලෙස දිවුරුම් දුන්නා.
මේ පිළිබඳව අදහස් දක්වමින් විජිත හේරත් කියා සිටියේ ශ්‍රී ලංකාවේ දෙමළ ජනතාව ඩයස්පෝරාවේ ප්‍රමුඛතම ජයග්‍රහණ වාර්තා කරන බවයි.
මේ සම්බන්ධයෙන් කැනඩාවේ අධිකරණ අමාත්‍යවරයා ලෙස හිටපු පාර්ලිමේන්තු මන්ත්‍රී ආනන්දසංගරීගේ පුත් ගැරී ආනන්දසංගරි අද පත් කර තිබෙනවා.
විජිත හේරත් කියා සිටියේ තම සුබපැතුම් පිරිනමන බවත් මෙය අපේ රටට ආඩම්බරයක් ලෙස සැලකිය යුතු බවත්ය.
ලොව පුරා රටවල ශ්‍රී ලංකාව නියෝජනය කරන බොහෝ දෙනෙකු මේ ආකාරයෙන් අපට උපහාර දැක්විය යුතු බව අපගේ අපේක්ෂාව බවද ඔහු පැවසීය.
