අපි කොන්ද පණ නැති එවුන් නෙමෙයි,ඊළඟට නාමල් රාජපක්ෂ මේ රටේ ජනාධිපති කරලා තමයි පස්ස බලන්නේ - ඉත්තෑකන්දේ සද්ධාතිස්ස හිමි

ශ්‍රී ලංකා පොදුජන පෙරමුණ නියෝජනය කරනු ලබන්නේ වත්මන් ආණ්ඩුවේ පිරිස් මෙන් කොන්ද පණ නැති දුර්වල පිරිසක් නොවන බව පූජ්‍ය ඉත්තෑකන්දේ සද්ධාතිස්ස හිමියන් පවසති.

ප්‍රදේශයේ පැවැති විශේෂ ජන හමුවක් අමතමින් උන්වහන්සේ සෘජුවම සඳහන් කළේ ඉදිරියේදී පැවැත්වීමට නියමිත ඊළඟ ජනාධිපතිවරණයේදී පාර්ලිමේන්තු මන්ත්‍රී නාමල් රාජපක්ෂ මහතාව මෙරට ඉහළම ජනාධිපති ධූරයට පත් කිරීම සඳහා තමන් ඇතුළු පිරිස උපරිමයෙන් කටයුතු කරන බවයි.

වත්මන් ආණ්ඩුවට රට වෙනුවෙන් සැබෑ ලෙසම සිදු කිරීමට හැකි කිසිදු සාධනීය දෙයක් නොමැති බවත්, ඔවුන් මේ වන විට සම්පූර්ණයෙන්ම වැඩ කරනු ලබන්නේ විදේශීය දෙමළ ඩයස්පෝරාවේ පටු වුවමනාවන් සහ අවශ්‍යතාවන් ඉටු කිරීම වෙනුවෙන් පමණක් බවත් උන්වහන්සේ එහිදී දැඩිව ප්‍රකාශ කළහ.

රාජ්‍ය බුද්ධි සේවයේ හිටපු ප්‍රධානී සුරේෂ් සලේ මහතා සම්බන්ධයෙන් වත්මන් පාලනය කටයුතු කරන ආකාරය දැඩි දෝෂදර්ශනයට ලක් කළ පූජ්‍ය ඉත්තෑකන්දේ සද්ධාතිස්ස හිමියන් වැඩිදුරටත් ප්‍රකාශ කර සිටියේ, ඔහුට නිසි පරිදි ආහාර පාන පවා නොදී, විවිධ මානසික හා ශාරීරික වද බන්ධන පමුණුවමින්, මාතෘභූමිය වෙනුවෙන් විශාල සේවයක් ඉටු කළ ආදරණීය රණවිරුවකුව දඬුකඳේ ගැසීමට වත්මන් පාලකයන් කටයුතු කර ඇති බවයි.

බුරුතු පිටින් ජොබ් දෙන බව පවසා උපාධිධාරීන්ට පොරොන්දු දුන් රජයට විරුද්ධව දැවැන්ත විරෝධයක්

සුරේෂ් සලේ එදා මාව හම්බෙලා මේක සමථයකට පත්කර ගමු කීවා එදා මන් කරපු දේ හරියටම හරි - සිරිල් ගාමිණි පියතුමා