ලෙබනනයට එල්ල වු ප්‍රහාර හමුවේ සිවිල් වැසියන් රැසක් මරුට - එක්සත් ජාතීන්ගේ මහලේකම් දැඩි ලෙස කම්පාවෙයි

ඊශ්‍රායලය විසින් ලෙබනනය පුරා එල්ල කරන ලද දැවැන්ත ප්‍රහාර මාලාව එක්සත් ජාතීන්ගේ මහලේකම් ඇන්ටෝනියෝ ගුටරෙස් මහතා විසින් දැඩි ලෙස හෙළා දැක තිබේ.

ළමයින් ඇතුළු සිවිල් වැසියන් සිය ගණනක් මියගොස් තවත් විශාල පිරිසක් තුවාල ලැබූ මෙම ප්‍රහාරය සම්බන්ධයෙන් මහලේකම්වරයා සිය දැඩි කනස්සල්ල පළ කර ඇත.

මහලේකම්වරයා වෙනුවෙන් විශේෂ ප්‍රකාශයක් නිකුත් කරමින් ඔහුගේ ප්‍රකාශක ස්ටෙෆාන් ඩුජාරික් සඳහන් කළේ, අහිංසක සිවිල් වැසියන්ගේ ජීවිත අහිමි වීම මහලේකම්වරයා දැඩි ලෙස හෙළා දකින අතර දිනෙන් දින ඉහළ යන මරණ සංඛ්‍යාව පිළිබඳව ඔහු දැඩි කම්පනයට පත්ව සිටින බවයි.

ලංකාවට ආපු IMF දූත පිරිසෙන් අද ප්‍රවෘත්ති සාකච්ඡාවක් - හේතුව මෙන්න

ලෙබනනය තුළ දැනට පවතින මෙම හමුදා ක්‍රියාකාරකම්, අමෙරිකාව සහ ඉරානය අතර ඇති කරගත් සටන් විරාම ගිවිසුමට "බරපතළ අවදානමක්" එල්ල කරන බව ද මහලේකම්වරයා මෙහිදී පෙන්වා දී තිබේ.

වහාම ක්‍රියාත්මක වන පරිදි සතුරුකම් නතර කරන ලෙස සියලු පාර්ශ්වයන්ගෙන් යළිත් ඉල්ලා සිටින ඇන්ටෝනියෝ ගුටරෙස් මහතා, පවතින මෙම ගැටුමට කිසිදු "හමුදාමය විසඳුමක්" නොමැති බව ද සිය නිල ප්‍රකාශය මගින් වැඩිදුරටත් අවධාරණය කර ඇත.

දෙවියනේ අහස පොළොව නුහුලන අපරාධයක් - මුණුපුරාගේ පහරදීමකින් මිත්තණියට දිවි අහිමිවෙයි