මුදල් අමාත්‍යාංශ ලේකම්ගෙන් ඉල්ලා අස්වීම ඉල්ලයි

ඇමරිකානු ඩොලර් මිලියන 2.5ක සයිබර් සොරකම හෙළිදරව් කළ නිදහස් නීතිඥයින් සංගමය, මුදල් අමාත්‍යාංශ ලේකම් හර්ෂණ සූරියප්පෙරුම මහතාට තම ධූරයෙන් ඉල්ලා අස්වන ලෙස ඉල්ලා සිටී.

එම සංගමයේ ප්‍රධානී මෛත්‍රී ගුණරත්න මහතා පවසන්නේ, ණය ආපසු ගෙවීම් සඳහා අවසාන අනුමැතිය ලබාදෙන භාණ්ඩාගාර ලේකම්වරයා ලෙස හර්ෂණ සූරියප්පෙරුම මහතා මේ සිද්ධියට සම්බන්ධ වගකිවයුතු පාර්ශවයක් වන බවයි.

මෙම සිද්ධිය සම්බන්ධයෙන් අල්ලස් හෝ දූෂණ චෝදනා විමර්ශන කොමිසමට පැමිණිල්ලක් ඉදිරිපත් කිරීම පිළිබඳවද සලකා බැලෙන අතර, වැඩිදුර තොරතුරු රැස් කරගැනීමෙන් අනතුරුව ඉදිරි පියවර ගන්නා බවද ඔහු සඳහන් කළේය.

මුදල් අමාත්‍යාංශය සයිබර් ප්‍රහාරය ගැන IMF විමසිල්ලෙන්

එමෙන්ම, සොරකම් වූ මුදල් විදේශීය බැංකු ගිණුමකට මාරු කර ඇති බවට තොරතුරු ලැබී ඇති බවත්, එහෙත් එම සොරකම පිටුපස සිටින පුද්ගලයන් හඳුනාගැනීමට තවමත් නොහැකි වී ඇති බවත් ගුණරත්න මහතා පැවසීය.

නිදහස් නීතිඥයින් සමඟ සම්බන්ධ සිවිල් සමාජ ක්‍රියාකාරික රංජිත් කීර්ති තෙන්නකෝන් මහතා පෙන්වා දුන්නේ, ණය ආපසු ගෙවීම් ක්‍රියාවලියේදී උපදෙස් ලබාදෙන මහ බැංකුවද මෙම සිද්ධිය සම්බන්ධයෙන් වගකිවයුතු පාර්ශවයක් විය හැකි බවයි. ඔහු සඳහන් කළේ, ණය ආපසු ගෙවීම බහු අදියරයන්ගෙන් යුත් ක්‍රියාවලියක් වන අතර, එහි එක් අදියරකදී මෙම සිද්ධිය සිදුව ඇති බවයි.

රනිල්ගේ ලන්ඩන් සංචාරයේ රහස හෙළිවන ලියවිල්ල එළියට

මිලියන 2.5 වංචාවට ආණ්ඩුවේ සම්බන්ධයක් නෑ - සරත් ෆොන්සේකා කියපු ආන්දෝලනාත්මක කතාව