ඉන්දීය–බංග්ලාදේශ දේශසීමාව කැළඹෙයි - බංග්ලාදේශ ජාතිකයා අත්අඩංගුවට ගත් පළියට තේ ගොවියෙකු පැහැරගෙන බංග්ලාදේශයට ගෙනිහින්

බංග්ලාදේශ ජාතිකයෙකු ඉන්දීය දේශසීමා ආරක්ෂක බලකාය විසින් අත්අඩංගුවට ගැනීමෙන් පසු, ඔහු මුදාගන්නා ලෙස බල කරමින් ඉන්දීය තේ ගොවියෙකු පිරිසක් විසින් පැහැරගෙන බංග්ලාදේශයට රැගෙන ගොස් ඇති බව වාර්තා වේ. මෙලෙස පැහැරගෙන ගොස් ඇත්තේ බටහිර බෙංගාලයේ ජල්පයිගුරි ප්‍රදේශයේ පදිංචි 35 හැවිරිදි දීපංකර් ගෝපේ නමැති තේ ගොවියෙකි.

ගෝපේ සිය තේ වත්තේ වැඩ කරමින් සිටියදී පුද්ගලයන් 20කට ආසන්න පිරිසක් පැමිණ ඔහුව බලහත්කාරයෙන් රැගෙන ගොස් ඇති බව ඔහුගේ පවුලේ සාමාජිකයන් පවසයි. පසුව ඔහු ඉන්දියාව සහ බංග්ලාදේශය අතර දේශසීමාව හරහා බංග්ලාදේශයේ පංචගාර් ප්‍රදේශයට රැගෙන ගොස් ඇති බවට තොරතුරු වාර්තා වේ.

ගෝපේගේ තේ වත්ත පිහිටා ඇත්තේ ඉන්දීය දේශසීමා ආරක්ෂක බලකායේ චෞල්හාටි මුරපොළට ආසන්නවය. බංග්ලාදේශ ජාතිකයෙකු අත්අඩංගුවට ගැනීමෙන් පසු පැහැරගැනීම ගෝපේ පැහැරගෙන යාමට දින දෙකකට පමණ පෙර බංග්ලාදේශ ජාතිකයෙකු ඉන්දියාවට අනවසරයෙන් ඇතුළුවීමට උත්සාහ කර තිබේ.

අවි ආයුධ ඉල්ලුම පුදුම සහගත ලෙස වැඩිවේ - ඉන්දීය ආරක්ෂක සමාගම් 7ක කොටස් වේගයෙන් ඉහළ යයි

දේශසීමාවේ කම්බි වැට කපා ඉන්දියාවට ඇතුළුවීමට උත්සාහ කළ එම පුද්ගලයා ඉන්දීය දේශසීමා ආරක්ෂක බලකාය හෙවත් BSF විසින් අත්අඩංගුවට ගෙන පොලිසියට භාරදී ඇත. ගෝපේගේ පවුලේ සාමාජිකයන් පවසන්නේ, එම බංග්ලාදේශ ජාතිකයා අත්අඩංගුවට ගැනීමට පළිගැනීමක් ලෙස ගොවියා පැහැරගෙන ගොස් ඇති බවයි.“ඔහුව මුදාහරින්නැත්නම් මාවත් මුදාහරින්නේ නැහැ” මේ අතර, ගෝපේ සිරකරගෙන සිටින බව දැක්වෙන වීඩියෝවක්ද මතුව තිබේ. එහිදී ගෝපේ පවසන බව ඇසෙන්නේ, BSF විසින් අත්අඩංගුවට ගත් බංග්ලාදේශ ජාතිකයා වන ටමීස් උද්දීන් ඉන්දියාව විසින් මුදාහරින තෙක් තමන්ට නිදහස නොලැබෙන බවයි.

එම වීඩියෝවේ BGB නිලධාරීන් බවට සැලකෙන පිරිසක්ද ගම්වාසීන් සමඟ සිටින ආකාරය දැකගත හැකි බව වාර්තා වේ. කෙසේ වෙතත්, වීඩියෝවේ සත්‍යතාව ස්වාධීනව තහවුරු කර නොමැත. ගොවියා මුදාගැනීමට සාකච්ඡා ගොවියා පැහැරගෙන ගිය බවට තොරතුරු ලැබීමෙන් පසු ඔහු මුදාගැනීම සඳහා BSF මැදිහත් වී තිබේ.

ඒ අනුව BSF සහ බංග්ලාදේශ දේශසීමා ආරක්ෂක බලකාය වන BGB අතර විශේෂ සාකච්ඡාවක්ද පවත්වා ඇති බව වාර්තා වේ. කෙසේ වෙතත්, එම සාකච්ඡාවෙන් පසුවත් ගෝපේ නිදහස් කර නොතිබූ අතර, ඔහු BGB භාරයේ සිටින බවට තොරතුරු වාර්තා වී තිබේ.

ගොවියා ආරක්ෂිතව ඉන්දියාවට ආපසු එවීමට කටයුතු කරන ලෙස BSF විසින් BGB වෙත දැනුම් දී ඇති අතර, දෙරටේ දේශසීමා ආරක්ෂක අංශ මේ සම්බන්ධයෙන් අඛණ්ඩව සාකච්ඡා කරමින් සිටින බව සඳහන් වේ.

සිද්ධිය හේතුවෙන් දේශසීමා ආසන්න ගම්මානවල ජනතාව අතරද නොසන්සුන්තාවක් හටගෙන ඇති අතර, දේශසීමා ආරක්ෂාව සම්බන්ධයෙන්ද යළිත් අවධානය යොමුව තිබේ.

හෝමූස් අවිනිශ්චිතතාව මැද ලෝක තෙල් මිල නැවතත් ඉහළට