ලෝක කුසලානය අත ළඟ තියාගෙන ප්‍රබලයෙකු ජාත්‍යන්තර පිටියට සමුදෙයි - ක්‍රිකට් ලෝලීන්ගෙන් දැඩි විවේචන..

බංග්ලාදේශ එක්දින ක්‍රිකට් කණ්ඩායමේ නායක තමීම් ඉක්බාල් ජාත්‍යන්තර ක්‍රිකට් පිටියෙන් සමුගෙන ඇති බව වාර්තා වනවා.

විචාරකයින් පුදුමය පළකර කර ඇත්තේ, ලෝක කුසලාන ක්‍රිකට් තරගාවලියට මාස 3ක් තිබියදී ඔහු ගෙන ඇති මෙම තීරණය සම්බන්ධයෙනුයි.

 ඉතා සංවේදී වූ තමීම් ඉක්බාල් මාධ්‍ය අමතමින් පැවසුවේ

"මෙය මගේ අවසානය. මම උපරිමයෙන් රට වෙනුවෙන් දුන්නා. ඒ වගේම උපරිමය දෙන්න උත්සාහ කළා. මම මෙතැන් සිට ජාත්‍යන්තර ක්‍රිකට් පිටියට සමුදෙනවා."

ඊයේ ඇෆ්ගනිස්ථානය සමග පැවති පළමු එක්දින තරගය ඔහුගේ අවසාන ජාත්‍යන්තර තරගය බවද තමීම් ඉක්බාල් පැවසීය වසර 16ක් පුරා බංග්ලාදේශ කණ්ඩායම වෙනුවෙන් ක්‍රීඩා කළ තමීම් ඉක්බාල් එක්දින තරග 241කදී ලකුණු 8313ක් රැස්කරගෙන තිබුණි.

එසේම ටෙස්ට් තරග 70කදී ඔහු ලබාගෙන තිබූ ලකුණු සංඛ්‍යාව 5134කි.