සැකකාරියක් සියළු ඇත්ත වමාරයි, සොයාගත් දේ මෙන්න

රැඳවුම් නියෝග මත ප්‍රශ්න කෙරුණු සැකකාරියකගෙන් අනාවරණය වූ තොරතුරු මත අයිස් මත්ද්‍රව්‍ය, ගිනි අවියක් හා ව්‍යාජ අංක තහඩු ඇතුළු දේපොළ රැසක් සොයා ගැනීමට ගල්කිස්ස පොලිස් නිලධාරීන් සමත්ව ඇත.

ගල්කිස්ස පොලිස් ස්ථානය මගින් අයිස් මත්ද්‍රව්‍ය සන්තකයේ තබාගැනීම සම්බන්ධයෙන් අත්අඩංගුවට ගත් රත්මලාන ප්‍රදේශයේ පදිංචි සැකකාරියක් මෙලෙස රැඳවුම් නියෝග මත රඳවා තබාගෙන වැඩිදුර විමර්ශන සිදුකර තිබේ.

එම සැකකාරියගෙන් අනාවරණය වූ තොරතුරු මත ඊයේ (11) දින සවස විමර්ශන නිලධාරීන් විසින් ගල්කිස්ස පොලිස් වසමේ පිරිවෙන පාර ප්‍රදේශයේ නිවසක් පරීක්ෂාවට ලක් කර ඇත.

වෙළෙඳ නෞකා ආරක්‍ෂක කණ්ඩායම්වලට පහසුකම් සපයලා හිතාගන්නවත් බැරි තරම් උපයපු ඩොලර් ගණන මෙන්න

  එම නිවසේ තිබී, • අයිස් මත්ද්‍රව්‍ය ග්‍රෑම් 10යි මිලිග්‍රෑම් 260ක්, මුදල් රුපියල් ලක්ෂ 08ක් · ගිනි අවියක් • ජීව පතොරමක් • යතුරුපැදි සඳහා භාවිත කරන ඉදිරිපස හා පිටුපස ව්‍යාජ වාහන අංක තහඩු 08ක් • ත්‍රිරෝද රථ ඉදිරිපස හා පිටුපස ව්‍යාජ අංක තහඩු 04 ක් · මෝටර් රථ ඉදිරිපස හා පිටුපස ව්‍යාජ අංක තහඩු 18 ක් • ඉලෙක්ට්‍රොනික තරාදියක් • රන් මාල 02ක් • රන් වළල්ලක් • රන් මුදුවක් යනාදිය පොලිස් භාරයට ගෙන තිබේ.

තවද සිදුකරන ලද විමර්ශනයේදී අනාවරණය වූයේ ඉහත දේපොළ සංවිධානාත්මක අපරාධ හා මත්ද්‍රව්‍ය ජාවාරම්කරුවෙකුගෙන් මෙම සැකකාරියට ලැබී ඇති බවයි.

මෙම සිද්ධිය සම්බන්ධයෙන් වැඩිදුර විමර්ශන ගල්කිස්ස පොලිසිය විසින් සිදු කරනු ලබයි.

ලූලාගේ බදු නිදහස් ප්‍රකාශයෙන් බ්‍රසීල දේශපාලනය උණුසුම් වෙයි