කොටහේනේදී මෝටර් රථයක් පැහැරගත් සැකකරු අත්අඩංගුවට

 මෝදර පොලිසිය පවසන්නේ ව්‍යාපාරිකයෙකුගේ ගැබිණි බිරිඳ සහ මව මෝටර් රථයේ සිටියදී, එම මෝටර් රථය පැහැරගෙන ගිය කෝටිපති ව්‍යාපාරිකයෙකුගේ 33 හැවිරිදි පුත්‍රයකු සැකපිට අත්අඩංගුවට ගත් බවයි.

අත්අඩංගුවට ගන්නා විට එම සැකකරු සන්තකයේ තිබී හෙරොයින් මත්කුඩු ග්‍රෑම් 12 කට ආසන්න ප්‍රමාණයක් පොලිස් භාරයට ගෙන ඇති බවත් සඳහන්.

ඉකුත් 12 වැනිදා කොළඹ 3 වේල්ල වීදිය ප්‍රදේශයේ ව්‍යාපාරිකයෙකු ඔහුට අයත් මෝටර් රථයෙන් ඔහුගේ බිරිඳ සහ මව සමග කොටහේන වීදියේ වාසල පාර පිහිටි හෝටලයක් වෙත පැමිණ තිබෙනවා.

මෝදර පොලිසිය සඳහන් කළේ, අනතුරුව එම ව්‍යාපාරිකයා බිරිඳ සහ මව මෝටර් රථය තුළ සිටියදී හෝටලය තුළට ගොස් ඇති අතර, එම අවස්ථාවේදී සැකකරු මෝටර් රථයේ රියදුරු අසුනට පැමිණ මෙම පැහැර ගැනීම සිදුකර ඇති බවයි.

බුස්ස බන්ධනාගාරයේ හිටපු අධිකාරි ඝාතනයේ ප්‍රධාන සැකකරු කොටුවෙයි

මෙම සිදුවීම වන අවස්ථාවේදී ඒ අසල විමර්ශනයක් සඳහා මට්ටක්කුලිය පොලිස් ස්ථානයට අනුයුක්ත උප පොලිස් පරීක්ෂකවරයා ඇතුළු කණ්ඩායමක් එම පොලිස් ස්ථානයට අනියුක්ත කැබ්රථයකින් පැමිණ සිට තිබෙනවා.

වහාම ක්‍රියාත්මක වූ නිලධාරීන්, පැහැරගත් මෝටර් රථය නවත්වා ගැනීමට සංඥා කර ඇති අතර සැකකරු ඊට අවනත නොවීම හේතුවෙන් උප පොලිස් පරීක්ෂකවරයා ඔහුගේ රාජකාරි ගිනි අවියෙන් වෙඩි වාර දෙකක් අදාළ මෝටර් රථය දෙසට එල්ල කර ඇති බවත් සඳහන් වනවා.

ඒත් සමඟම පොලිස් නිලධාරීන් පලායන මෝටර් රථය පසුපස හඹාගොස් ඇති අතර, කොටහේන බ්ලූ මැන්ඩල් රේල් පාර අසලදී සැකකරු මෝටර් රථය නවතා පලාගොස් තිබෙනවා.

කෙසේ නමුත් පොලීසිය සඳහන් කළේ, මෝදර පොලිසියට ලද තොරතුරකට අනුව කොටහේන ආමර්වීදිය ප්‍රදේශයේදී අදාළ සැකකරු අත්අඩංගුවට ගත් බවයි.

මට අපහාස කරන්න එපා.. චතුරංගගෙන් CCIDයට පැමිණිල්ලක්

පොලිස් විමර්ශනවලදී අනාවරණය වී ඇත්තේ අත්අඩංගුවට ගත් සැකකරු මත්ද්‍රව්‍ය සඳහා ඇබ්බැහි වීම හේතුවෙන් සැකකරුගේ පියා වන කෝටිපති ව්‍යාපාරිකයා එම පුද්ගලයාව පවුලෙන් ඉවත් කර ඇති බවයි.

සැකකරු අධිකරණය වෙත ඉදිරිපත් කිරීමට නියමිත වනවා.

සිද්ධිය සම්බන්ධයෙන් මෝදර පොලීසිය වැඩිදුර විමර්ශන සිදුකරනු ලබනවා.