අගෝස්තු 15වට කළින් මේ දේ අනිවාර්යයෙන් කරන්න - විශේෂ දැනුම්දීමක්

අභ්‍යන්තර ආදායම් දෙපාර්තමේන්තුව (IRD) විසින් 2025/2026 තක්සේරු වර්ෂය සඳහා වන ඇස්තමේන්තුගත ගෙවිය යුතු බදු ප්‍රකාශය (Statement of Estimated Tax Payable – SET) 2025 අගෝස්තු 15 දිනට හෝ ඊට පෙර විද්‍යුත් මාර්ගයෙන් ඉදිරිපත් කරන ලෙස බදු ගෙවන්නන්ට දන්වා සිටියි.

තව ටික දවසකින් ජපානයම නැති වෙයිද? වදවෙලා යන ජපන් ජාතිකයන්

දෙපාර්තමේන්තුව නිවේදනයක් නිකුත් කරමින් කියා සිටියේ, 2024/2025 තක්සේරු වර්ෂය සඳහා වන ආදායම් වාර්තාව (Return of Income) සහ SET යන දෙකම ඉදිරිපත් කිරීම සඳහා දැනට එහි විද්‍යුත් සේවාවන් (e-services) විවෘතව පවතින බවයි.

2024/2025 තක්සේරු වර්ෂය සඳහා වන ආදායම් වාර්තාව 2025 නොවැම්බර් 30 වන දිනට පෙර ඉදිරිපත් කරන ලෙසයි.

සජබ ලොක්කෙක් අත්අඩංගුවට - කෝටි 50ක මැණික් ගලකට වග කියලා

මෙම නියමිත දිනසීමාවන් ආයතනික ආදායම් බදු (Corporate Income Tax), හවුල් ව්‍යාපාර ආදායම් බදු (Partnership Income Tax) සහ පුද්ගල ආදායම් බදු (Individual Income Tax), මෙන්ම සරල කළ පුද්ගල ආදායම් බදු වාර්තාව (IIT Simplified Return) සඳහා ද අදාළ වේ.

නියමිත දිනට පසුව සිදු කරන ගෙවීම් සඳහා පොලී සහ දඩ මුදල් අය කරන බවට දෙපාර්තමේන්තුව අනතුරු අඟවා ඇත. ගෙවීම් සිදු කිරීමේදී නිවැරදි බදු වර්ගය සහ ගෙවීම් කාල පරිච්ඡේද කේතයන් (tax type and payment period codes) භාවිතා කරන ලෙස ද බදු ගෙවන්නන්ට තරයේ දන්වා ඇත.

විද්‍යුත් මාර්ගයෙන් බදු ඉදිරිපත් කිරීම සම්බන්ධයෙන් යාවත්කාලීන තොරතුරු සහ උපදෙස් ලබා ගැනීම සඳහා අභ්‍යන්තර ආදායම් දෙපාර්තමේන්තුවේ නිල වෙබ් අඩවියට පිවිසෙන ලෙස බදු ගෙවන්නන්ට උපදෙස් දී තිබේ.