දැරියකට හදි කළ විවාහකයාට වැඩ වරදී !

සය හැවිරිදි කුඩා දැරියක බරපතළ ලිංගික අපයෝජනයකට ලක් කිරීම පිළිබඳව විවාහකයෙකුට චෝදනා එල්ල වී තිබේ.

මෙලෙස අධි චෝදනා ලබා නඩු විභාගයෙන් අනතුරුව වරදකරුවූ 45 හැවිරිදි විවාහකයාට මීගමුව පූර්වගාමී මහාධිකරණ විනිසුරු අමල් රණරාජා මහතා 18 වැනිදා බරපතල වැඩ ඇතිව වසර 10 ක සිරදඬුවම් නියම කර ඇත.

ඊට අමතරව රුපියල් 15,000 ක දඩ මුදලක් සහ අපචාරයට ලක්වූ දැරියට රුපියල් ලක්ෂයක වන්දියක් ගෙවීමට විත්තිකරුට වැඩිදුරටත් නියෝග කර ඇත.

සිරදඬුවම්, දඩ සහ වන්දි ගෙවීමට නියමවූ විත්තිකරු වූයේ රද්දොළුව ප්‍රදේශයේ පදිංචිකරුවකු වන දයාරත්න සිල්වා නමැති විවාහකයෙක්.

රජයේ අධිනීතිඥ අනුශිකා ප්‍රනාන්දු මහත්මිය විසින් පැමිණිල්ල මෙහෙයවා ඇත.