ශ්‍රී ලාංකික ක්‍රීඩකයින් 10 දෙනෙකු 2022 පොදුරාජ්‍ය මණ්ඩලීය ක්‍රීඩාවට ගිහින් රට ඇවිත් නැහැ - අධිකරණයෙන් නියෝගයක්

එක්සත් රාජධානියේ බර්මින්හැම් නුවර පැවති 2022 පොදුරාජ්‍ය මණ්ඩලීය ක්‍රීඩා උළෙලට සහභාගී වීමෙන් පසු ශ්‍රී ලංකාවට නැවත නොපැමිණි ක්‍රීඩක ක්‍රීඩිකාවන් 10 දෙනෙකුට විදේශ ගමන් තහනමක් පැනවීමට කොළඹ ප්‍රධාන මහේස්ත්‍රාත් අසංග එස්. බෝදරගම මහතා අද (17) නියෝග කළේය.

ක්‍රීඩා ආශ්‍රිත වැරදි වැළැක්වීමේ විශේෂ විමර්ශන ඒකකයේ නිලධාරීන් අධිකරණයට දන්වා සිටියේ මෙම ක්‍රීඩකයින් රජයට රුපියල් මිලියන 50කට ආසන්න මූල්‍යමය අලාභයක් සිදුකර ඇති බවයි. ඔවුන්ට එරෙහිව රතු නිවේදන නිකුත් කිරීමට ද ඉන්ටර්පෝල් ආයතනය ඔස්සේ පියවර ගෙන ඇති බව ඒකකය සඳහන් කළේය.

පොදුරාජ්‍ය මණ්ඩලීය ක්‍රීඩා උළෙල 2030 - ඉන්දියාවේ අහ්මදාබාද් නගරයට යයි

ක්‍රීඩා අධ්‍යක්ෂ ජනරාල්වරයාගේ පැමිණිල්ලකට අනුව සිදුකෙරෙන පරීක්ෂණවලදී හෙළි වී ඇත්තේ මෙම ක්‍රීඩකයින් එක්සත් රාජධානියට ගොස් තරඟවලට සහභාගී නොවී එරටම රැඳී සිටි බවයි. ඔවුන්ට එරෙහිව 2019 අංක 24 දරණ ක්‍රීඩා සම්බන්ධ වැරදි වැළැක්වීමේ පනතේ 5 සහ 6 වගන්ති යටතේ චෝදනා ගොනු කර තිබේ.

තහනමට ලක්වූ ක්‍රීඩකයින් වන්නේ අසේල ද සිල්වා, චමිලා ඩිලානි, එස්. චතුරංග, වයි. නිකලස්, අශේන් රශ්මික, එස්. මලින්ත, ශ්‍රියන්තිකා ප්‍රනාන්දු, සංජීව රාජකරුණා සහ ජීවන්ත විමුක්ති කුමාර යන අයයි.

2026 ලෝක කුසලානයට පෙර ශ්‍රී ලංකාවේදී T20 තරගාවලියක් ඉල්ලන පාකිස්ථානය

ඒකකයේ ප්‍රධානී ප්‍රධාන පොලිස් පරීක්ෂක සුපුන් විදානගේ අධිකරණයට කියා සිටියේ 2022 උළෙලට ශ්‍රී ලංකාව නියෝජනය කළ ක්‍රීඩකයින් 116 දෙනෙකු, පුහුණුකරුවන් 28 දෙනෙකු, නිලධාරීන් 11 දෙනෙකු සහ වෛද්‍යවරුන් 4 දෙනෙකු සහභාගී වූ බවයි. එම අතරින් මල්ලවපොර ක්‍රීඩකයින් 3ක්, ජූඩෝ ක්‍රීඩකයින් 2ක්, බොක්සිං ක්‍රීඩකයින් 2ක් සහ වොලිබෝල් ක්‍රීඩකයින් 2ක් තරඟයෙන් පසු නැවත නොපැමිණීමෙන් රාජ්‍ය අලාභයක් සිදුකර ඇති බවයි.

අධිකරණය ඉදිරිපත් කිරීම් සලකා බැලූ මහේස්ත්‍රාත්වරයා වැඩිදුර පරීක්ෂණ සඳහා නියෝග කරමින් සැකකරුවන්ට විදේශ ගමන් තහනම පැනවීය. මෙම සිදුවීම ක්‍රීඩා ක්ෂේත්‍රයේ විනය ගැටලුවක් ලෙස සැලකෙමින් පවතී.

ආදායම් බලපත්‍ර නැති වාහනවලට මෙන්න සුබ ආරංචියක්