පුහුණු හෙදියකට ලිංගික හිංසනයක් කළ පොලිස් පරික්ෂකවරයාට වැඩ වරදී.

නිල ඇඳුමෙන් බස් රථයක ගමන් ගත් සිටි පුහුණු හෙදියකට ලිංගික හිංසනයක් සිදු කළ බවට චෝදනා එල්ල වූ පොලිස් පරීක්ෂකවරයෙකු අත්අඩංගුවට ගෙන ඇත.

ඊයේ (27) පස්වරුවේ කොළඹ සිට අලු‍ත්ගම දක්වා ගමන් කළ බස් රථයකදී මෙම සිද්ධිය වාර්තා වූයේ.

25 හැවිරිදි මෙම පුහුණු හෙදිය කලබලයට හා අපහසුතාවයට පත්වනු දුටු එම බස් රථයේ ගමන්ගත් සිවිල් ඇඳුමෙන් සිටි අලු‍ත්ගම පොලිස් ස්ථානයට අනුයුක්තව සේවය කරන තවත් පොලිස් සැරයන්වරයෙකු ඊට මැදිහත් වී ඇත.

පසුව සැකකාර පොලිස් පරීක්ෂකවරයා අත්අඩංගුවට ගෙන ඇත.ඔහු දොඩන්ගොඩ පොලිස් ස්ථානයට අනුයුක්තව සේවය කරන අම්බලන්ගොඩ ප්‍රදේශයේ පදිංචිකරුවෙක් වේ.