සෙවනගල උක් ගොවීන්ට ගිනි තැබීම හේතුවෙන් හානි වූ වගාවන් සඳහා වන්දි

සෙවනගල සීනි කර්මාන්තශාලාවට අයත් උක් වගාවන් ගිනි තැබීම හේතුවෙන් හානි වූ ගොවීන්ට වන්දි ගෙවීම සඳහා අමාත්‍ය මණ්ඩලය අනුමැතිය ලබා දී තිබේ.

මෙම ගිනි තැබීම් 2025 අගෝස්තු 16, 20, 21, 22, 24 සහ සැප්තැම්බර් 04, 05 යන දිනවල සිදුව ඇති බව වාර්තා වී ඇති අතර, ගොවීන් 235 දෙනෙකුට අයත් උක් මෙට්‍රික් ටොන් 19,000ක් පමණ හානියට පත්ව ඇති බව ඇස්තමේන්තු කර තිබේ.

මුදල්, ක්‍රමසම්පාදන සහ ආර්ථික සංවර්ධන අමාත්‍යවරයා ලෙස ජනාධිපතිවරයා සහ කර්මාන්ත හා ව්‍යවසායකත්ව සංවර්ධන අමාත්‍යවරයා ඉදිරිපත් කළ ඒකාබද්ධ යෝජනාවකට අනුව, හානි වූ උක් මෙට්‍රික් ටොන් එකක් සඳහා රුපියල් 7,000/- බැගින් වන්දි මුදලක් ගොවීන්ට ලබා දීමට අමාත්‍ය මණ්ඩලය අනුමත කර ඇත.

කොළඹ ඇතුළු ප්‍රදේශ කිහිපයකට පැය 9ක ජල කප්පාදුවක්

මීට අමතරව, හානි වූ උක් ප්‍රමාණයන් සහ ගොවීන් පිළිබඳ තොරතුරු ලබා ගැනීම සඳහා උක් පර්යේෂණ ආයතනයේ සහ සීමාසහිත ලංකා සීනි (පුද්ගලික) සමාගමේ නිලධාරීන්ගෙන් සමන්විත විශේෂ කමිටුවක් පත් කිරීමට ද තීරණය වී තිබේ.

ගිනි තැබීමෙන් හානි වූ උක් පළමු පැය 24 ඇතුළත ඇඹරීම අවශ්‍ය වුවත්, මෙම හානිය හේතුවෙන් එම උක් ඇඹරීම 2025 අගෝස්තු 30 වන විට අවසන් කර ඇත. මෙම තත්ත්වය උක් ගොවීන් දැඩි ආර්ථික අපහසුතාවකට ලක් කර ඇති අතර, ඔවුන්ට සහන සැලසීම සඳහා රජය මෙම වන්දි ගෙවීමේ තීරණය ගෙන ඇත.

මෙම ගිනි තැබීම්වලට හේතු සහ ඒවාට සම්බන්ධ පුද්ගලයන් පිළිබඳ විමර්ශන තවදුරටත් සිදුවෙමින් පවතින අතර, ගොවීන්ට ඉක්මනින් වන්දි ලබා දීමට රජය කටයුතු කරමින් සිටී. 

රාජ්‍ය සේවක වැටුප් ගැන ආයෙත් කතාවක් විධිමත් පිළිවෙලකට වැටුප් වැඩි වෙයි?

රටේ සියලුම රාජ්‍ය නිලධාරීන් වෙනුවෙන් අලුත් වැඩක්