දෙවන රැල්ලේ කොළඹ ආසාධිතයන් 17 000 ඉක්මවයි – ඊයේත් ආසාධිතයන් 300 ක්

කොවිඞ් දෙවන රැල්ලේදී කොළඹ දිස්ත්‍රික්කයෙන් වාර්තාවූ කොවිඞ් ආසාධිතයන් සංඛ්‍යාව 17 000 ඉක්මවා ගොස් තිබෙනවා.

ශ්‍රී ලංකාවෙන් ඊයේ දිනයේදී වාර්තාවූ කොවිඞ් ආසාධිතයන් ගණන 551 ක්. ඉන් 300 දෙනෙකු කොළඹ දිස්ත්‍රික්කයෙනුයි.

මේ අනුව ඔක්තෝබර් 04 වනදායින් පසු කොළඹ දිස්ත්‍රික්කයෙන් වාර්තා වූ කොවිඞ් ආසාධිතයන් ගණන 17 දහස් 086 ක්.

ඊයේ බොරැල්ලෙන් ආසාධිතයන් 87 ක්ද – කොම්පඤ්ඤවීදියෙන් 30 ක්ද – කිරුළපනින් 29 ක්ද ලෙස ආසාධිතයන් හමුවී තිබෙනවා.

ගම්පහ දිස්ත්‍රික්කයෙන් 52 ක් – කලුතරින් 37 ක් – නුවරඑළියෙන් 28 ක් – රත්නපුරයෙන් 27 ක් සහ අම්පාරෙන් 17 ක් ලෙස ඊයේ කොරෝනා රෝගීන් වාර්තා වී තිබෙනවා.

මහනුවරින් 16 ක් – මාතරින් 13 ක් – ත්‍රිකුණාමලයෙන් 12 ක් – කුරුණෑගල / මොණරාගල හා කෑගල්ල දිස්ත්‍රික්වලින් ආසාධිතයන් 07 දෙනා බැගින් ඊයේ සටහන් වුණා.

මුලතිවු 06 ක් / අනුරාධපුර 05 ක් / මඩකලපුව – හම්බන්තොට 04 දෙනා බැගින් මෙන්ම ගාල්ලේ 03 ක් / බදුල්ලේ 02 ක් හා පොළොන්නරුවේ හා යාපනයේ දෙදෙනා බැගින්ද ගතවූ පැය 24 තුළ මෙරටින් කොවිඞ් ආසාධිතයන් වාර්තා වී තිබෙනවා.