සෞදියෙන් ඉරානයට අනතුරු ඇඟවීමක්

සෞදි අරාබියේ අගනුවර රියාද්හි පිහිටි තෙල් පිරිපහදු මධ්‍යස්ථාන දෙකකට එල්ල වූ ප්‍රහාරවලින් අනතුරුව, අවශ්‍ය වුවහොත් ඉරානයට එරෙහිව හමුදා ක්‍රියාමාර්ග ගැනීමට සෞදි අරාබියට අයිතිය ඇති බව සෞදි විදේශ අමාත්‍ය ෆයිසාල් බින් ෆර්හාන් අල් සවුද් කුමරු ප්‍රකාශ කර තිබේ.

රියාද්හි විදේශ අමාත්‍යවරුන්ගේ හමුවකින් පසු මාධ්‍යවේදීන් හමුවී කතා කළ ඔහු මෙසේ සඳහන් කළේය.

ඉරානය තම වැරදි තක්සේරු නැවත සමාලෝචනය කළ යුතු බවත්, මෙවැනි ප්‍රහාර මගින් ටෙහෙරානයට කිසිදු වාසියක් ලැබෙන්නේ නැති බවත් ඔහු අවධාරණය කළේය.

ෆයිසාල් කුමරු වැඩිදුරටත් ප්‍රකාශ කළේ, ඉරානය තම අසල්වැසි රටවල් සමඟ සාකච්ඡා කිරීමට විශ්වාසය තබන්නේ නැති බවත්, ඒ වෙනුවට අසල්වැසියන්ට බලපෑම් කිරීමට උත්සාහ කරන බවත්ය.

මෙම ප්‍රවේශය කිසිසේත් සාර්ථක නොවන අතර, එය දේශපාලනිකව මෙන්ම සදාචාරාත්මකවද ඉරානයටම අහිතකර ලෙස බලපානු ඇති බව ඔහු සඳහන් කළේය.

මෙම ප්‍රකාශයන් මෑතකදී රියාද්හි පැවති විදේශ අමාත්‍යවරුන්ගේ හමුවකින් පසුව එලිදක්වා ඇති අතර, එහිදී ඉරානයේ මිසයිල හා ඩ්‍රෝන් ප්‍රහාර මගින් ගල්ෆ් රටවල් කිහිපයක බලශක්ති යටිතල පහසුකම්වලට හානි සිදුවී ඇති සන්දර්භයකදීය.

සෞදි අරාබිය තම භූමියේ තෙල් පිරිපහදු මධ්‍යස්ථානවලට එල්ල වූ ප්‍රහාර තදින් හෙළා දකිමින්, ඉරානයේ ප්‍රොක්සි කණ්ඩායම්වලට සහයෝගය නැවැත්වීමටත්, නාවික මාර්ග ආරක්ෂාව තහවුරු කිරීමටත් අවධාරණය කර තිබේ.

සෑම ලේ බිඳුවකටම මිලක් තියෙනවා.. ආරක්ෂක ප්‍රධානියා ඝාතනය කළාට වන්දිය ගන්නා බවට ඉරානයෙන් අනතුරු අඟවයි

ඉරානයේ ලොව විශාලතම ගෑස් නිධිවලට දරුණු ප්‍රහාර මාලාවක්