ගිනි අවි සහ අත් බෝම්බ ගැන ඔත්තුවලට ලැබෙන මුදල වැඩි වෙයි

මෑත කාලීනව වාර්තා වූ අපරාධ සම්බන්ධව සලකා බැලීමේදී දිවයින තුල නීති විරෝධී ගිනිඅවි සහ අත්බෝම්බ තවදුරටත් සංසරණය වන බව නිරීක්ෂණය වන බැවින් අපරාධ මැඩපවත්වා මහජනතාවට අපරාධ බියකින් තොරව ජීවත් විය හැකි සාමකාමි පරිසරයක් බිහි කිරීම සඳහා පුළුල් වැඩසටහන් ක්‍රියාත්මක කිරීමට ශ්‍රී ලංකා පොලිසිය සැලසුම් කර තිබෙනවා.

ළමයි හිටියට කමක් නැහැ ගහලා දාපන් - මිද්දෙණිය ත්‍රිත්ත ඝාතනය ගැන ඇඟ කිලිපොළා යන අනාවරණයක්!

මෙහි එක් පියවරක් ලෙස නීති විරෝධී ගිනිඅවි හා අත්බෝම්බ අත්අඩංගුවට ගැනීමේ මෙහෙයුම් තවදුරටත් සිදු කරමින් පවතින අතර, මෙම ගිනිඅවි හා අත්බෝම්බ සම්බන්ධ තොරතුරු ලබා දෙන පුද්ගලයින්ගේ රහස්‍යභාවය ආරක්ෂා කිරීමට ශ්‍රී ලංකා පොලිසිය කටයුතු කර බවද මේ සම්බන්ධව තොරතුරු තිබුනොත් පොලිසිය දැනුවත් කරන ලෙසද ශ්‍රී ලංකා පොලිසිය මහජනතාවගෙන් ඉල්ලා සිටිනවා.