රනිල් ගෙන් සියළු පක්‍ෂ වලට දැනුම් දීමක්. රනිල් ගේමකට සැරසෙයි?..

ජාතික ආණ්ඩුවක් රටට අවශ්‍ය නැති බව එක්සත් ජාතික පක්ෂයේ නායක හිටපු අගමැති රනිල් වික්‍රමසිංහ මහතා සඳහන් කරනවා.

ජාතික ආණ්ඩුවක් බිහි කිරීමෙන් සිදුවන්නේ ඇමති ධුර බෙදා ගැනීමක් පමණක් බවයි හෙතෙම කියා සිටියේ.

ඒ නිසා සියලු දේශපාලන පක්ෂ එකතුව ජාතික රාමුවක් නිර්මාණය කළ යුතු බවත් ඒ හරහා ජනතා විශ්වාසය දිනාගෙන ආර්ථිකය ගොඩනැගීමක් සිදු කළ යුතු බවද හෙතෙම අවධාරණය කළා.

මුදල් අමාත්‍යවරයා සහ මහබැංකු අධිපතිවරයා අතර ගැටුමක් නිර්මාණය වී ඇති බවත් ඒ හේතුවෙන් ආර්ථිකය පිළිබඳ නිවැරදි තීන්දු තීරණ ගැනීමට නොහැකි වී ඇති බවද වික්‍රමසිංහ මහතා කියා සිටියා.

ඉන්ධන ලබා ගැනීමට ඉන්දියාව සමඟ අත්සන් තැබීමට නියමිත ගිවිසුම ප්‍රමාදවීම නිසා වර්තමානයේ ලබාගත හැක්කේ ඉන්ධන නෞකා හතක් පමණක් බවද ඔහු තවදුරටත් පැවසීය.

ඒ මහතා මේ බව කියා සිටියේ කිරුළපන ප්‍රදේශයේ පැවති පාක්ෂික හමුවක් අමතමින්.