රනිල් වික්‍රමසිංහගේ ආරක්ෂකයාට එල්ල වුණු ප්‍රහාරය ගැන UNPයෙන් නිවේදනයක්

 අද (30) පස්වරුවේ හිටපු ජනාධිපති රනිල් වික්‍රමසිංහ මහතාගේ ආරක්ෂකයකුට පෞද්ගලික මාධ්‍ය ආයතනයක කැමරා ශිල්පියකුගෙන් එල්ල වූ ප්‍රහාරය සම්බන්ධයෙන් එක්සත් ජාතික පක්ෂය නිවේදනයක් නිකුත් කර ඇත.

එම නිවේදනයේ දැක්වෙන්නේ හිටපු ජනාධිපතිවරයාගේ ආරක්ෂාවේ යෙදී සිටියදී ප්‍රහාරයට ලක්වූ නිලධාරීයා, එම ප්‍රහාරය සම්බන්ධයෙන් පොලීසියට පැමිණිල්ලක් ඉදිරිපත් කළ බවයි.

රනිල් වික්‍රමසිංහගේ නඩුව අස්සේ උසාවිය ළඟ වුණු කලබලය - ජනාධිපති ආරක්ෂකයාගේ හිසට කැමරාකරුවෙකුගෙන් පහරදීමක්

එක්සත් ජාතික පක්ෂ නිවේදනයේ වැඩිදුරටත් සඳහන් වෙන්නේ ශ්‍රී ලංකාවේ 8 වන විධායක ජනාධිපතිවරයා ලෙස රනිල් වික්‍රමසිංහ මහතා අධිකරණ භූමියට පැමිණෙන අවස්ථාවේදී ප්‍රමාණවත් ආරක්ෂාවක් තහවුරු කර නොතිබීමෙන් මෙවැනි ප්‍රහාරයක් එල්ලවීමට ඉඩ සැලැස්වූයේද යන්න පිළිබඳ ආරක්ෂක අංශවල දැඩි කතාබහට ලක්ව ඇති බවයි.

එම නිවේදනයේ තවදුරටත් සඳහන් වෙන්නේ මෙම කැමරා ශිල්පියා මගින් රනිල් වික්‍රමසිංහ මහතාට යම් ආකාරයක අනතුරක් කිරීමට පූර්ව සැලසුමක් තිබුණේද යන්න ගැනත් සැක මතුවන බවයි.

රනිල් වික්‍රමසිංහට කොටුව අධිකරණයෙන් නියෝගයක් - නොවැම්බර් මස 11 වැනිදා දක්වා

අධිකරණ කටයුත්තක් සඳහා හිටපු ජනාධිපතිවරයා අද (30) කොටුව මහෙස්ත්‍රාත් අධිකරණයට පැමිණ ඉන් පිටව යන අවස්ථාවේ, ඔහු අසලම සිටි ආරක්ෂකයකුට මෙම ප්‍රහාරය එල්ල විය. සිද්ධියෙන් පසු එම ආරක්ෂක නිලධාරියා රෝහල්ගත කෙරුණි.

රාජ්‍ය සේවකයින්ට මංගල සේවයක් - සහකරු/සහකාරිය සොයා දීමේ සේවාවක් සිංගපූරුවෙන්