"මගේ වැඩසටහන තමා IMF පිළිගෙන තියෙන්නේ.. IMF නැත්නම් උදව් කරන්න වෙන කවුරුත් නෑ"

ජාත්‍යන්තර මූල්‍ය අරමුදල පිළිගෙන ඇත්තේ තම වැඩපිළිවෙළම බව ස්වාධීන ජනාධිපති ධුර අපේක්ෂක රනිල් වික්‍රමසිංහ මහතා පවසයි.

හොරණ මහජන ක්‍රීඩාංගණයේදී ඊයේ (15) පැවති "රනිල්ට පුළුවන්" ජන රැලියට එක්වෙමින් ඔහු මේ බව කියා සිටියේය. ඊට එක්වූ රනිල් වික්‍රමසිංහ මහතාට පැමිණ සිටි ජනතාවගෙන් හිමිවූයේ උණුසුම් පිළිගැනීමක්.

වැඩිදුරටත් අදහස් දැක්වු ජනාධිපති රනිල් වික්‍රමසිංහ,

ඒක තනිකරම දමිළ සිනමා පටයක් වගේ සිදුවීමක් ..

"මේ IMF වැඩසටහන එක්ක අපි යන්න ඕනේ. උදව් කරන්න වෙන කවුරුත් නෑ. IMF වැඩසටහනෙන් ඩොලර් බිලියන 3ක් හම්බවුණා. ඒවා අල්ලගෙන යන්නේ. රටවල් 18ක සහයෝගයක් හම්බවුණා. ඒ එක්ක යන්නේ. පොලිය ගෙවන එකෙන්ම අපිට ඩොලර් බිලියන 10ක වාසියක් හම්බවෙනවා. මේවා අතහරින්න බෑ. මේ අනුව තමා අපේ වැඩසටහන සකස් කරලා, මේ රටේ පළමුවෙන්ම අපනයන ආර්ථිකයක් ඇති කරන්න ඕනේ. හැමදාම අපිට ණය ගන්න බෑ. සහනාධාර දීලා කරන්නත් බෑ. සහනාධාර දෙන්න සල්ලිත් නෑ. ඔබට තමා හොඳ අනාගතයක් ඊළඟ අවුරුදු 20 දෙන්න ඕනේ. ඒකයි අපිට කරන්න තියෙන්නේ. හැම එක්කෙනාම අන්තිමට දුක්විඳින්නේ, බර ගන්නේ දරුවන් වෙනුවෙන් නේ. අධ්‍යාපනය දෙන්න නේ. මම දන්නවා තිබුණ අමාරුකම්. ඒවා තවත් නැතිකරන්නයි මම බලන්නේ. මොකද්ද සජිත් - අනුර කියන්නේ ? සජිත් හැම එකක්ම නොමිලේ දීලා තියෙන්නේ. ඉතුරුවෙලා තියෙන්නේ නොමිලේ හිසරදයක් දෙන්න. මෙහෙම හැම එකක්ම දීලා දීලා කොහේද සල්ලි තියෙන්නේ. සල්ලි නෑනේ බොරුනේ කියන්නේ. IMF එක්ක කතා කරලා මේවා වෙනස් කරනවා ලු. බොරුනේ කියන්නේ. අනුර කියනවා සමාජ වියදම් වැඩිකරලා බදු අඩු කරනවා කියලා. අපි IMF එකට කතා කරනවාලු. ගිහින් කතා කරන්න කියලා. තාම කතා කරලා නෑ. මොකද්ද IMF සංවිධානය කළේ, අපේ මැතිවරණ ප්‍රතිපත්ති ප්‍රකාශන ඔක්කෝම දිහා බලලා ඒ අය කිව්වා අන්තිමට මොකද්ද කරන්න ඕනේ කියලා. ඒ කියන්නේ මම අද කරන ඒවා. වෙන එකක් නෙමෙයි. අනිත් අයගේ ඒවා පිළිඅරගෙන නෑ. IMF එකේ සහයෝගය කාටවත් නෑ. අපේ වැඩසටහනට දෙන්නේ. අපි වෙන්වෙලා ගිහින් දවල් වැටුණ වළේ රෑ වැටෙනවා ද? "