රාජාංගනය සහ කන්තලේ ජලාශවල වාන් දොරටු විවෘත කරයි

රාජාංගනය ජලාශයේ වාන් දොරටු 6ක් මේ වන විට විවෘත කර ඇත.

ඒ අනුව ජල පෝෂිත ප්‍රදේශවලට ඇඳ හැලෙන වර්ෂාව හේතුවෙන් කලාඔය ජලාශයේ වාන් දොරටු විවෘත කිරීම හේතුවෙන් මෙසේ රාජාංගනය ජලාශයේ වාන් දොරටු විවෘත කර ඇති බව වාර්තා වේ.

ඉන් වාන් දොරටු 4ක් අඩි 4 බැගින් සහ වාන් දොරටු 2ක් අඩි 2 බැගින් විවෘත කර තිබේ.

ජලාශය භාර වාරිමාර්ග ඉංජිනේරුවරයා සදහන් කරන්නේ එහි තත්පරයට ගණඅඩි 50,176ක ජලධාරිතාවයක් කලා ඔයට මුදා හැරෙන බවයි.

ඉතා වැදගත් - පවතින තත්ත්වය මත තවත් දිස්ත්‍රික්ක දෙකකට නායයෑම් රතු නිවේදන

එමෙන්ම කන්තලේ ජලාශයේ ද මේ වන විට වාන් දොරටු විවෘත කර තිබෙන බව වාර්තා වේ.

වාරිමාර්ග දෙපාර්තමේන්තුව පවසන්නේ අයහපත් කාලගුණ තත්ත්වය හේතුවෙන් එහි වාන්දොරටු දහයෙන් 4ක්, අඩි එක බැගින් විවෘත කර ඇත.