එදිනෙදා ගෙවීම් වලටත් කිව්.ආර් පද්ධතියක්

ජාතික QR ගෙවීම් භාවිත කිරීමේ වැඩසටහන වේගවත් කිරීමට කැබිනට් අනුමැතිය ලැබී ඇත. රජය විසින් ජාතික ප්‍රමුඛතාවක් ලෙස ආර්ථික කාර්යක්ෂමතාව, මූල්‍ය අන්තර්ගත භාවය (Financial Inclusion) සහ මූල්‍ය විනිවිදභාවය ඉහළ නැංවීම සඳහා ඩිජිටල් ආර්ථිකය ප්‍රවර්ධනය කිරීම හඳුනාගන තිබේ.

  රට තුළ එදිනෙදා සිල්ලර ගනුදෙනු සඳහා අධික ලෙස මුදල් නෝට්ටු (Cash) භාවිත කරන අතර, එමඟින් විනිවිදභාවය සහ ඩිජිටල් ආර්ථිකයේ වර්ධනය සීමා වී ඇත.

Lanka QR යටිතල පහසුකම් මේ වන විට මුල්‍ය ආයතන 20 කට අධික සංඛ්‍යාවක් සහ ජංගම දුරකතන යෙදුම් 30 කට ආසන්න ප්‍රමාණයක් සමඟ ක්‍රියාත්මකව පැවතුන ද, සාපේක්ෂව ඒවායේ සක්‍රීය භාවිතය අඩු මට්ටමක පවතී.

2025 වසරේ තුන්වන කාර්තුව තුළදී LankaQR හරහා දළ වශයෙන් ගනුදෙනු 274,000 ක් වාර්තා වී ඇති අතර, එහි මුළු වටිනාකම රුපියල් බිලියන 1.18 ක් පමණ වේ. එය සාමාන්‍යයෙන් මාසයකට ගනුදෙනු 90,000 ක් පමණ වන බව වාර්තා වේ.

ඒ වගේම රුපියල් මිලියන 390ක පමණ වටිනාකමකි.

මේ පාසල් සිසුන්ට සුබම සුබ අරංචියක් - රජයෙන් නොමිලේ විශේෂ පරිත්‍යාගයක්

ඒ අනුව, QR කේතය හරහා සිදු කරනු ලබන සාමාන්‍ය ගනුදෙනුවක වටිනාකම රුපියල් 5,000 කට වඩා අඩු මට්ටමක පවතින බව නිරීක්ෂණය වේ

එම කරුණු සැලකිල්ලට ගනිමින්, ඒ සම්බන්ධයෙන් 2026 අයවැය මඟින් ඉදිරිපත් කරන ලද යෝජනාවට අනුගතව රුපියල් 5,000 ට අඩු ගනුදෙනු සඳහා මුදල් යවන්නාට මෙන්ම ලබා ගන්නාට ද කිසිදු අමතර ගාස්තුවක් අය කිරීමකින් තොරව QR කේතය පදනම් කර ගත් ඩිජිටල් ගෙවීම් ප්‍රවර්ධනය කිරීමේ වැඩසටහනක් ක්‍රියාත්මක කිරීම පිණිස ඩිජිටල් ආර්ථික අමාත්‍ය වශයෙන් ජනාධිපතිවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.