දියණිය මල්ටි සමඟ ගතකළ සොඳුරු මොහොත- ප්‍රියංකා චොප්රාගේ අලුත්ම පවුලේ ඡායාරූප එකතුව සමාජ මාධ්‍ය කැළඹෙයි

ජනප්‍රිය බොලිවුඩ් නිළි ප්‍රියංකා චොප්රා ජෝනාස් සිය මෑත සංචාර සහ පවුලේ සාමාජිකයන් සමඟ ගත කළ විවේකී අවස්ථා ඇතුළත් නව ඡායාරූප එකතුවක් සමාජ මාධ්‍ය වෙත එක් කර තිබේ.

කාර්යබහුල කාලසටහනෙන් කෙටි විවේකයක් ලබාගෙන නිවසේදී පවුලේ අය සමඟ කාලය ගත කළ ආකාරය මෙම ඡායාරූපවලින් දැකගත හැකිය.

පසුගිය සති කිහිපය තුළ සිදු කළ සංචාර, පවුලේ විනෝද අවස්ථා සහ සිය දියණිය මල්ටි මාරි සමඟ ගත කළ සොඳුරු මොහොතද එම ඡායාරූප එකතුවට ඇතුළත් කර ඇත. ඡායාරූප පෙළ සමාජ මාධ්‍යයට එක් කරමින් ප්‍රියංකා සඳහන් කර තිබුණේ,

“පසුගිය සති කිහිපය... ලෝකය වටා ගමන් කර අවසානයේ මොහොතකට නිවසට පැමිණියා” යනුවෙනි.

හොලිවුඩය ශෝකයේ ගිල්වමින් ඇමරිකානු නිළි හේඩන් පැනෙටියර් අභාවප්‍රාප්ත වෙයි

ඇයගේ සැමියා වන ජනප්‍රිය ගායක නික් ජෝනාස්ද ඡායාරූප කිහිපයක දක්නට ලැබේ. එක් ඡායාරූපයක ඔහු පිහිනුම් තටාකයක විවේකීව කාලය ගත කරන ආකාරය දැකගත හැකිය. මල්ටි සමඟ සොඳුරු මොහොත ඡායාරූප එකතුවේ වැඩි අවධානයක් යොමුව ඇත්තේ ප්‍රියංකා සහ මල්ටි මාරිගේ අවස්ථාවන් වෙතයි. එ

ක් ඡායාරූපයක ප්‍රියංකා සිය දියණිය වඩාගෙන සිටින අතර, මල්ටි මාරි කුඩා ආහාරයක් භුක්ති විඳින ආකාරය දැකගත හැකිය. තවත් ඡායාරූපයක ඇය ලැවෙන්ඩර් පැහැති ඇඳුමකින් සැරසී සිටී. එමෙන්ම, මල්ටි මාරි සිය අභාවප්‍රාප්ත සීයා වන ප්‍රියංකාගේ පියා අශෝක් චොප්රාගේ ඡායාරූපයක් ඉදිරිපිට යාඥා කරන අයුරුද ඡායාරූපයක දැක්වේ.

ඉන්දීය උරුමය සමඟ මල්ටි තවත් ඡායාරූපයක මල්ටි මාරි සාම්ප්‍රදායික ඉන්දීය ඇඳුමක් වන චනියා චෝලි ඇඳගෙන සිටින අතර, එමඟින් ඇයගේ ඉන්දීය සංස්කෘතික උරුමය සමඟ ඇති සම්බන්ධතාවද දැකගත හැකිය. සැරසූ නිවසේ දේවාලයක් අසල සිටින මල්ටිගේ ඡායාරූපයක්ද ප්‍රියංකා බෙදාගෙන ඇති අතර, එයට “Jai jai bhagwanji” යනුවෙන් සටහනක් එක් කර තිබේ.

ඉතාලියෙන්ම වාර්තා වන මහා කලා සොරකම- පුනරුද යුගයේ දුර්ලභ චිත්‍ර 4ක් කෞතුකාගාරයකින් අතුරුදන්

මේ අතර, මල්ටි වඩාගෙන සිටින අවස්ථාවක ප්‍රියංකාගේ මැණික් කටුවේ පැළඳ සිටින මංගලසූත්‍රයද ඡායාරූප අතරින් විශේෂ අවධානයක් දිනාගෙන ඇත. ‘Varanasi’ සඳහා සූදානම් වන ප්‍රියංකා වෘත්තීය ජීවිතය දෙස බැලූ විට, ප්‍රියංකා චොප්රා මේ වනවිට සිය බොහෝ දෙනා බලා සිටින ඉන්දීය සිනමා නිර්මාණය වන ‘Varanasi’ සඳහා සූදානම් වෙමින් සිටී. එස්. එස්. රාජමෞලි අධ්‍යක්ෂණය කරන මෙම තෙළිඟු භාෂා ක්‍රියාදාම-වික්‍රමාන්විත චිත්‍රපටයේ මහේෂ් බාබු සහ ප්‍රිත්වි‍රාජ් සුකුමාරන්ද ප්‍රධාන චරිත නිරූපණය කරති. ප්‍රියංකා එහි මන්දකිනීගේ චරිතයට පණ පොවන අතර, මහේෂ් බාබු රුද්‍රගේ චරිතය නිරූපණය කරයි.