FB/WhatsApp ලිංගික හිංසන සැකකරුගේ කතාව වෙනස් වෙයි! - අභියාචනාධිකරණයෙන් හදිසි නියෝගයක්

ෆේස්බුක් සහ වට්ස්ඇප් සමාජ මාධ්‍ය ඔස්සේ සිදු වූ බව කියන ලිංගික හිංසන සිද්ධීන් සම්බන්ධයෙන් අවශ්‍යව සිටින 47 හැවිරිදි සැකකරුවෙකු අත්අඩංගුවට ගැනීම සඳහා මහජන සහාය ඉල්ලා මීට පෙර නිකුත් කළ නිවේදනය තවදුරටත් ප්‍රකාශයට පත් කිරීමෙන් වළකින ලෙස ශ්‍රී ලංකා පොලිසිය සියලුම මාධ්‍ය ආයතනවලින් ඉල්ලා තිබේ

සැකකරු අත්අඩංගුවට ගැනීම වළක්වන නියෝගයක් ඉල්ලා අභියාචනාධිකරණය හමුවේ රිට් පෙත්සමක් ගොනු කර ඇති බවට ලැබුණු තොරතුරු අනුව පොලිස් මාධ්‍ය අංශය මෙම පැහැදිලි කිරීම සිදුකර ඇත.

පොලිසිය සඳහන් කළේ, නීතිපතිවරයාගේ උපදෙස් ලැබෙන තෙක් සැකකරු අත්අඩංගුවට නොගන්නා ලෙස අභියාචනාධිකරණය නියෝගයක් නිකුත් කර ඇති බවයි.

සම්මන්තුරේ පොලිසිය විසින් විමර්ශනය කරනු ලබන මෙම සැකකරු සොයා ගැනීම සඳහා මීට පෙර මහජන සහාය ඉල්ලා පොලිසිය නිවේදනයක් නිකුත් කර තිබිණි.

විදුලි ගාස්තු සංශෝධනයේ ලොකු වෙනසක්ද? - ඔක්තෝබර්-දෙසැම්බර් විදුලි ගාස්තු ගැන අලුත්ම තීරණය

කෙසේ වෙතත්, අම්පාර කොට්ඨාසය භාර ජ්‍යෙෂ්ඨ පොලිස් අධිකාරීවරයා විසින් අදාළ අධිකරණ ක්‍රියාමාර්ග සම්බන්ධයෙන් පොලිස් මාධ්‍ය අංශය දැනුවත් කර ඇති බව සඳහන් වේ.

ඒ අනුව, අධිකරණ නියෝගය සැලකිල්ලට ගනිමින් සැකකරු අත්අඩංගුවට ගැනීම සඳහා මහජන සහාය ඉල්ලා මීට පෙර නිකුත් කළ නිවේදනය තවදුරටත් පළ කිරීමෙන් හෝ විකාශය කිරීමෙන් වළකින ලෙස පොලිසිය සියලුම මාධ්‍ය ආයතනවලින් ඉල්ලා සිටී.

එමෙන්ම, මෙම නව පැහැදිලි කිරීම ද මුල් නිවේදනයට ලබාදුන් ප්‍රමුඛතාවට සමාන ප්‍රමුඛතාවක් ලබාදෙන ලෙස මාධ්‍ය ආයතනවලින් වැඩිදුරටත් ඉල්ලීමක් කර තිබේ. ඒ අනුව, සැකකරු සිටින ස්ථානය පිළිබඳ තොරතුරු ලබාදෙන ලෙස මීට පෙර මහජනතාවගෙන් කළ ඉල්ලීම පොලිසියේ නවතම දැනුම්දීමත් සමඟ අවලංගු කර ඇත