දිවයිනේ සියලුම පාසල්වලට විශේෂ දැනුම්දීමක් - නැවත මේ දේවල් පාසල් තුළ කිරීම තහනම්

විවිධ පෞද්ගලික සංවිධාන හා විවිධ බාහිර පාර්ශ්වයන් විසින් ස්වේච්ඡාවෙන් ඉදිරිපත් කරනු ලබන, රජයේ හෝ අධ්‍යාපන අමාත්‍යාංශයේ නිල අනුමැතිය හිමි නොවන කිසිදු ආකාරයක බාහිර වැඩසටහනක් හෝ සම්මන්ත්‍රණයක් රජයේ පාසල් පද්ධතිය තුළ සංවිධානය කිරීමට කිසිසේත්ම ඉඩ නොදිය යුතු බව අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍ය, අග්‍රාමාත්‍ය ආචාර්ය හරිනි අමරසූරිය මහත්මිය පවසයි.

අග්‍රාමාත්‍යවරිය මේ බව අවධාරණය කර සිටියේ අනුරාධපුර උතුරු මැද පළාත් සභා ශ්‍රවණාගාර පරිශ්‍රයේදී  (17 )වැනිදා උතුරු මැද පළාත් අධ්‍යාපන උසස් බලධාරීන් සහ විදුහල්පතිවරුන් සමඟ පැවැති විශේෂ ප්‍රගති සමාලෝචන සාකච්ඡාවකට සක්‍රීයව එක්වෙමිනි.

විශේෂ දැනුම්දීමක් - හෙට මේ දීමනාව සියලුම දෙනාගේ බැංකු ගිණුම්වලට

එමෙන්ම වත්මන් රජයක් වශයෙන් අතිවිශාල මූල්‍ය හා ශ්‍රම කැපකිරීමක් නිරන්තරයෙන්ම සිදුකරන්නේ රටේ අනාගත දරු පරපුරට ඉතාමත් ගුණාත්මක නිදහස් අධ්‍යාපනයක් උරුම කරදීම වෙනුවෙන් වන බැවින්, පාසල් දරුවන්ට හැමවිටම හොඳම දේ පමණක් ලබාදිය යුතුයි යන උදාර හැඟීම මත දැඩිව පදනම්ව සමස්ත අධ්‍යාපන බලධාරීන් තමන්ගේ පරිපාලන තීන්දු තීරණ ගත යුතු බව ද අග්‍රාමාත්‍යවරිය එහිදී වැඩිදුරටත් ප්‍රකාශ කළාය.

බැසිල් මේ දවස්වල අසනීපයෙන්, ඔහුට සුව වූ වහාම අධිකරණ ක්‍රියාවලියට සහයෝගය ලබාදේවි - ශාන්ත බණ්ඩාර

එමෙන්ම මෑතකදී මෙරටට දැඩි ලෙස බලපෑ දිට්වා සුළිකුණාටු ආපදා තත්ත්වය හේතුවෙන් විවිධ හානියට පත්වූ සමස්ත පාසල් ගොඩනැගිලි කඩිනමින් ප්‍රතිසංස්කරණය කිරීම සහ ඉදිරියේදී පැවැත්වීමට නියමිත පහ වසර ශිෂ්‍යත්ව, අපොස සාමාන්‍ය පෙළ, අපොස උසස් පෙළ යන ජාතික විභාගවල නියමිත ලේඛනගත ඉලක්කයන් එලෙසම සපුරා ගැනීම සම්බන්ධයෙන් ද මෙම විශේෂ සාකච්ඡාවේදී දෙපාර්ශවයේ දැඩි අවධානය යොමු ව තිබේ.

වත්මන් අධ්‍යාපන ක්ෂේත්‍රය තුළ පවතින විවිධ බරපතළ ගැටලුවලට ප්‍රායෝගික විසඳුම් ලබාදෙමින් අග්‍රාමාත්‍ය හරිනි අමරසූරිය මහත්මිය මෙහිදී රටටම සුවිශේෂී ප්‍රකාශයක් කරමින් කියා සිටියේ, ලංකා රාජ්‍ය ඉතිහාසයේ සිදුකරනු ලබන විශාලතම සහ විධිමත්ම ගුරු බඳවාගැනීමේ ජාතික ක්‍රියාවලිය වත්මන් 2026 වසරේදී සාර්ථකව සිදුකරන බවය.

ඒ අනුව දිවයින පුරා පවතින ගුරු පුරප්පාඩු පිරවීම වෙනුවෙන් සුදුසුකම්ලත් උපාධිධාරී ගුරුවරුන් 23000 ක්, ජාතික විද්‍යාපීඨවලින් විධිමත්ව පුහුණුව ලැබූ නවක ගුරුවරුන් 6100 ක් සහ විශ්වවිද්‍යාල අධ්‍යාපනවේදී උපාධිධාරීන් ද ඇතුළුව සමස්තයක් ලෙස 30000 කට ආසන්න අතිවිශාල පිරිසක් මෙම වසර තුළදීම රාජ්‍ය ගුරු සේවයට සෘජුවම එක් කර ගැනීමට සියලු සැලසුම් සකස් කර අවසන් බව ඇය අනාවරණය කළාය.

මීට අමතරව දීර්ඝ කාලයක සිට පවතින ශ්‍රී ලංකා අධ්‍යාපන පරිපාලන සේවයේ හා ගුරු උපදේශක සේවයේ පවතින සියලුම පුරප්පාඩු කඩිනමින් පිරවීමටත්, ගුරු ස්ථාන මාරු තුලනය හා සමස්ත පද්ධතියේ දත්ත කළමනාකරණ ගැටලු තාක්ෂණික ක්‍රමවේද ඔස්සේ විසඳීමටත් රජය කඩිනම් පියවර ගන්නා බව ඇය පවසා තිබේ.