ඉන්දියාවට තර්ජනයක් වෙන විදිහට ලංකාවේ භූමිය පරිහරණය කරන්න දෙන්නෑ ඒ නිසා බය වෙන්න එපා - ඉන්දියාවටම ගිහින් කියන හරිනි

ඉන්දියාවේ ආරක්ෂාවට තර්ජනයක් වන ආකාරයට ශ්‍රී ලංකා භූමිය පරිහරණය කිරීමට කිසිවෙකුටත් ඉඩ නොදෙන බව අග්‍රාමාත්‍ය ආචාර්ය හරිනි අමරසූරිය ප්‍රකාශ කරයි.

ඒ අනුව ඇය මේ බව සඳහන් කළේ සිය ඉන්දීය නිල සංචාරයට සමගාමීව ඇය ඉගෙනුම ලැබූ දිල්ලි හින්දු විද්‍යාලය වෙත පැමිණි අවස්ථාවේදීයි.

ඉන්දියාවේ නිල සංචාරයක නිරත අගමැතිනී ආචාර්ය හරිනි අමරසූරිය ඊයේ (16) දිනයේ රාජ්‍යතාන්ත්‍රික හමුවීම් කිහිපයකට ද එක්ව තිබුණා.

එහි ව්ශේෂ අවස්ථාවක් ලෙස අගමැතිනිය ඇය ඉගෙනුම ලැබූ දිල්ලියේ හින්දු විද්‍යාලයේ සංචාරයකට ද එක් වුණා. එම අවස්ථාවේදී අගමැතිනිය සඳහන් කළේ,

අවුරුද්දක් හොයලා දැන් සෙව්වන්දිගේ ඩමියත් මතුවෙලා - නාමල් රාජපක්ෂ සෙව්වන්දි ගැන කියයි

"හින්දු විද්‍යාලය දැන් අංක එකට ඇවිත්. ඒ ගැන ආඩම්බරයි. අපූරුයි. මම මුලින්ම මෙහෙට එද්දි, PEPSI ඉන්දියාවට ආව විතරයි. ඒ කාලේ ඒක හරි ලොකු දෙයක් වුණා. අපි ඒ කාලේ කතාවුණ හැටි මතකයි. පන්ති කාමර තුළ විතරක් නෙමෙයි. විශේෂයෙන්ම පන්ති කාමරයෙන් පිට තණ තිලිවල වාඩිවෙලා, තේ පානය කරමින් කළ කතා. ඉන්දියාව සහ ශ්‍රී ලංකාව සම්ප්‍රදාය, අගනාකම් සහ අන්‍යෝන්‍ය ගෞරවය කියන පොදු උරුමයන්ගෙන් බැඳී පවතිනවා. විටක අපි එකිනෙකා සමඟ එකඟ නොවෙන්න පුළුවන්. එකිනෙකා ගැන සියලුදේටම අකමැති වෙන්න පුළුවන්. ඒක තමයි පවුලක විදිහ. නියම සබඳතා හරියට ඒ වගේ. ඔබ හැමදාම එකට වැඩකරන්න එකට ජීවත්වෙන්න ඉගෙන ගන්නවා. දිනය අවසානයේදී එකිනෙකාට ගරු කරනවා. ඉන්දියාව හැමදාටම ශ්‍රී ලංකා ගමන් මඟේ නොවෙනස් සහකරුවෙක්ව සිටියා. අපේ ආර්ථික නැගී සිටීමට සහාය වෙමින්, අර්බුද කාලය තුළ අත්‍යවශ්‍ය සහාය ලබාදෙමින්, අපි ස්ථාවරත්වය සහ වර්ධනය ළඟා කරගන්නා විට අපි සමඟ රැඳී සිටියා. ශ්‍රී ලංකාව 2022 වසරේදී වඩාත් බරපතළ ආර්ථික අර්බුදයකට මුහුණපෑ විට ඉන්දියාව අපිට ණය පහසුකම්, ඉන්ධන සහ අත්‍යවශ්‍ය සැපයුම් ලබාදුන්නා. මේවා කිසිදිනක අපිට අමතක නැහැ. ඒවා අපේ ජනතාවගේ හදවතේ ලියැවී තිබෙනවා. මෙය හුදෙක් රාජ්‍යතාන්ත්‍රික සහායක් නොවෙයි. අසීරු අවස්ථාවකදි අපට සහාය වුණ සැබෑ මිතුරෙක්ගෙ සහායක්. ශ්‍රී ලංකාව අඛණ්ඩව එකම ස්ථාවරයක ඉන්නවා. අපේ භූමිය කිසිදිනෙක ඉන්දියාවේ ආරක්ෂාවට තර්ජනයක් වන ලෙස භාවිත කිරීමට අපි ඉඩ දෙන්නේ නැහැ. අපි වර්තමානයේ දරන්නෙත් ඒ ප්‍රතිපත්තිය. මෙතන ඉන්න සියලුම සිසුන්ට කියන්නේ, ඔබ සතුව දැවැන්ත ශක්‍යතාවක් පවතිනවා. ඔබ හින්දු විද්‍යාලයේ ලබන අධ්‍යාපනය ත්‍යාගයක්. ඒ වගේම වගකීමක්. බුද්ධිමත්ව එය භාවිත කරන්න. එය පාලම් සෑදීම මිස ප්‍රාකාර සෑදීමට භාවිත කරන්න එපා. පෝක් සමුද්‍ර සන්ධිය ඔස්සේ දකුණු දිසාව බලන්න. ශ්‍රී ලංකාව දෙස හුදෙක් අසල්වැසියෙක් විදිහට විතරක් නෙමෙයි, සහකරුවෙක් ලෙසත් බලන්න. අපි අදහස් පිරුණු රටක් වගේම, පරිත්‍යාගශීලී, ධෛර්යසම්පන්න මිනිසුන් සිටින රටක්" යනුවෙන්.

ජනාධිපති සනාගේ ගෙදරින් කෑවද නැද්ද කියලා නම් දන්නේ නෑ හැබැයි සනා ප්‍රබල මාලිමාවෙක් කියලා මම දන්නවා - චානක

එසේම අද දින(17) අගමැතිනිය ඉන්දීය අග්‍රාමාත්‍ය නරේන්ද්‍ර මෝදි මහතා හමුවී ද්වීපාර්ශ්වික සාකච්ඡා පැවැත්වීමට නියමිතයි.

තවද NDTV නාලිකාවේ සංවිධායකත්වයෙන් අද පස්වරුවේදී පැවැත්වෙන 2025 NDTV ලෝක සමුළුව ඇමතීමටත් අගමැතිනිය සූදානමින් පසුවන බව සඳහන්.

එසේම මෙම සමුළුවට ඉන්දීය අගමැති නරේන්ද්‍ර මෝදි, හිටපු බ්‍රිතාන්‍ය අගමැති රිෂී සුනක්, හිටපු ඔස්ට්‍රේලියානු අගමැති ටෝනි ඇබොට් ඇතුළු ආරාධිතයින් රැසක් එක්වීමට නියමිතව ඇත.  

මාලිමාවට රට ගොඩනගන්න ඉෂාරාගේ මොළේ තිබ්බ නම් ලොකු උදව්වක්ලු - ටීබී