ශිරාන්ගේ දේපළ තහනම් කරලා.. ලේසි නෑ.. කෝටි 8ක විතර දේපළ.. උපයාගත් හැටිත් එළියට..
krishani
සංවිධානාත්මක අපරාධකරුවෙක් ලෙස හැඳින්වෙන පලනි ශිරාන් ක්ලෝරියන් නමැත්තාගේ රුපියල් කෝටි 8ක පමණ දේපොළ තහනම් කර තිබෙනවා.
ඒ මත්ද්‍රව්‍ය ජාවාරමෙන් උපයාගත් බව සැලකෙන බැවින් ය.
ඒ ත්‍රස්ත විමර්ශන කොට්ඨාසය හා නීතිවිරෝධී වත්කම් විමර්ශන කොට්ඨාසය එක්ව සිදුකළ විමර්ශනයකින් පසුව ය.
මේ වන විට සැකකරු මත්ද්‍රව්‍ය චෝදනාවකට ඉන්දියාවේ බන්ධනාගාරගතව සිටියි.
කොළඹ කේන්ද්‍ර කරගෙන මත්ද්‍රව්‍ය ජාවාරම් සිදුකරන බව පැවසෙන පලනි ශීරාන් ක්ලෝරියන් නැමැත්තා මත්ද්‍රව්‍ය ජාවාරමෙන් උපයාගත් දේපොළ සම්බන්ධයෙන් ලද තොරතුරකට අනුව ත්‍රස්ත විමර්ශන කොට්ඨාසය හා නීති විරෝධී වත්කම් විමර්ශන කොට්ඨාසය එක්ව විමර්ශනයක් සිදුකර තිබෙනවා.
ඒ අනුව අදාළ පුද්ගලයා වත්තල, බලගල පාරේ ඉදිරිකර තිබූ දෙමහල් නිවසක් සහ සුඛෝපභෝගී මෝටර් රථයක් විමර්ශන නිලධාරීන් විසින් සොයාගනු ලැබීය.
එම දේපොළ සැකකරු මත්ද්‍රව්‍ය ජාවාරමෙන් උපයාගත් ඒවා බවත් ඒ අනුව රුපියල් කෝටි 8ක පමණ දේපොළ තහනම් කර ඇති බවත් පැවසෙයි.
එමෙන්ම, සැකකරුට අයත් බෝට්ටුවක් ද සොයාගැනීමට විමර්ශන නිලධාරීන් සමත්ව ඇත.
කෙසේ වෙතත්, ශිරාන් ක්ලෝරියන් නැමැත්තා කුඩු සෙල්වි නැමැත්තියගේ පුත්‍රයා බව පොලීසිය සඳහන් කළේ ය.
