ඉතිහාසයේ වාර්තා වූ විශාලතම මිල වැඩි කිරීම - මැදපෙරදිග උණුසුම නිසා පාකිස්ථානය ඉන්ධන මිල 20%කින් ඉහළ දමයි

ඉරානයේ පවතින ගැටුම්කාරී තත්ත්වය නිසා ගෝලීය තෙල් මිල ඉහළ යාම සැලකිල්ලට ගනිමින්, පාකිස්ථානය ඊයේ (06) දින ඩීසල් සහ පෙට්‍රල් සිල්ලර මිල සියයට 20කින් පමණ ඉහළ නංවා ඇති බව වාර්තා වේ.

ඉතිහාසයේ වාර්තා වූ විශාලතම මිල වැඩි කිරීම සිදු කරමින් ලීටරයක මිල එරට මුදලින් රුපියල් 55කින් ඉහළ නංවන බව රූපවාහිනිය ඔස්සේ විශේෂ ප්‍රකාශයක් සිදු කරමින් ඛනිජ තෙල් අමාත්‍ය අලි පර්වේස් මලික් නිවේදනය කර තිබුණා.

ඒ අනුව ඩීසල් ලීටරයක නව මිල පාකිස්ථාන රුපියල් 321.17ක් වන අතර, පෙට්‍රල් ලීටරයක මිල රුපියල් 335.86ක් දක්වා ඉහළ යන බව වාර්තා වේ.

බොර තෙල් බැරලය ඩොලර් 100 ඉක්මවයි

කෙසේ වෙතත් මෙම මිල ඉහළ දැමීම පාකිස්ථානයේ උද්ධමනය තවදුරටත් ඉහළ නැංවීමට සහ එරට දිළිඳු ජනතාවට දැඩි බලපෑමක් එල්ල කිරීමට හේතු වනු ඇති බව වාර්තා වේ.

මේ අතර මිල ඉහළ නැංවීමේ නිවේදනය නිකුත් කිරීමට පෙර සිටම ලාහෝර් සහ කරච්චි වැනි ප්‍රධාන නගරවල ඉන්ධන පිරවුම්හල් අසල ජනතාව දිගු පෝලිම්වල රැඳී සිටීම දක්නට ලැබී ඇත.

බොරතෙල් බැරලයක මිල ඩොලර් 90 සීමාව පහු කරයි - 150 දක්වා ඉහළ යා හැකි බවට ලෝකෙටම අනතුරු ඇඟවීමක්

ඊට අමතරව පාකිස්ථාන අග්‍රාමාත්‍ය ෂෙහ්බාස් ෂරීෆ් ඊයේ අනතුරු ඇඟවීමක් කරමින් පවසා ඇත්තේ ඉන්ධන තොග රැස් කරන්නන්ට එරෙහිව දැඩි දඬුවම් පමුණුවන බවයි.

එසේම ඛනිජ තෙල් අමාත්‍යවරයා වැඩිදුරටත් පවසා ඇත්තේ රජය මඟින් සෑම සතියකම ඉන්ධන මිල නැවත සමාලෝචනය කරන බවයි.

පාකිස්ථානය ප්‍රධාන ලෙස සෞදි අරාබියෙන් සහ එක්සත් අරාබි එමීර් රාජ්‍යයෙන් හෝමුස් සමුද්‍ර සන්ධිය හරහා තෙල් ආනයනය කරයි. 

ලිට්‍රෝ සහ ලාෆ් ගෑස් වෙතින් අද සුබම සුබ පණිවුඩයක් - මාර්තු මාසෙට ගෑස් 17 එනවා

බස්වල යන අයට නරක ආරංචියක් - මේ බස් වැඩ වර්ජනයක්

අද සිට ලංකා විදුලිබල මණ්ඩලය අහෝසියි - විදුලිය සම්බන්ධ ගැටලු‍වකදී කටයුතු කරන්න ඕන විදිහ දැනුම්දෙයි