අද සිට ලුම්බිණිය වැඳ පුදා ගැනීමට නැවත අවස්ථාව

ඉන්දියාවට පැමිණෙන බෞද්ධ සැදැහැවතුන්ට අද (14) සිට පෙර පරිදිම ලුම්බිණිය වැඳ පුදා ගැනීමේ අවස්ථාව නැවත හිමි වන බව මහා බෝධි සමාගමේ මහමායා විශ්වශාන්ති විහාරයේ භාරකාර පූජ්‍ය බද්දේගම නන්ද හිමියන් පැවසීය.

මේ වන විට ඉන්දියාව සහ නේපාලය අතර ආගමන සහ විගමන කටයුතු ක්‍රමානුකූලව සිදු වෙමින් පවතින බවත්, එමගින් සැදැහැවතුන්ට බාධාවකින් තොරව ලුම්බිණිය බලා යාමට හැකි වන බවත් උන්වහන්සේ සඳහන් කළහ.

ලුම්බිණිය, බුදුරජාණන් වහන්සේගේ ජන්ම භූමිය ලෙස ලොව පුරා බෞද්ධයන්ගේ ගෞරවයට පාත්‍ර වූ ස්ථානයක් වන අතර, එය නේපාලයේ රූපන්දෙහි දිස්ත්‍රික්කයේ පිහිටා තිබේ.

නේපාලේ ගිනි ගත්තේ දකුණු ආසියාතික බෞද්ධ රටවල් වැනසීමේ කුමන්ත්‍රණයක ප්‍රතිඵලයක් ලෙසයි - අස්ගිරි පාර්ශ්වයේ අනුනායක හිමි

ඉන්දියාවේ උත්තර් ප්‍රදේශ් ප්‍රාන්තයේ මහරාජ්ගංජ් දිස්ත්‍රික්කයේ සෝනෞලි සීමාව ඔස්සේ ලුම්බිණියට පිවිසීම බෞද්ධ බැතිමතුන්ගේ ප්‍රධාන මාර්ගය වේ. කෙසේ වෙතත්, මෑත කාලයේ නේපාලය තුළ ඇති වූ දේශපාලනික අස්ථාවරත්වයන්, උද්ඝෝෂණ සහ ගැටුම් හේතුවෙන් සංචාරකයන්ට සහ සැදැහැවතුන්ට නේපාලයට ඇතුළු වීම තහනම් කර තිබිණි.

සැප්තැම්බර් 09 වැනිදා සිට නේපාල රජය විසින් සංචාරකයන්ගේ ඇතුළු වීම තාවකාලිකව අත්හිටුවීමට පියවර ගනු ලැබූ අතර, රූපන්දෙහි සහ අනෙකුත් සීමා දිස්ත්‍රික්කවල ඇඳිරි නීතිය පැනවීමත් සමග ලුම්බිණිය ඇතුළු ජනප්‍රිය සංචාරක ස්ථාන බොහෝමයක් ප්‍රවේශ වීමට නොහැකි විය.

මෙම තත්ත්වය ඇති වූයේ තරුණ උද්ඝෝෂකයන්ගේ (Gen Z) විරෝධතා සහ රජයට එරෙහි ගැටුම් හේතුවෙන් බව වාර්තා වේ. ජමුනහා සීමාව (බැංකේ දිස්ත්‍රික්කයේ) එවැනි ගැටුම්වලදී ගිනි තැබීම් සහ විනාශකාරී ක්‍රියා හේතුවෙන් වසා දමා තිබූ අතර, සැප්තැම්බර් 13 වැනිදා සිට එය අර්ධ වශයෙන් නැවත විවෘත කර ඇත. මෙහිදී, අත්‍යවශ්‍ය අවශ්‍යතා ඇති පුද්ගලයන්ට පමණක් ගමන් කිරීමට අවසර ලැබෙන අතර, අනන්‍යතා පරීක්ෂාවන් සහ දැඩි ප්‍රශ්න කිරීම් සිදු කෙරේ.   

නේපාල බන්ධනගාරවලින් පැනගිය සිරකරුවන් 13,500කට යළි බාරවන ලෙස නියෝග

රජයට බරක්වූ රාජ්‍ය ආයතන වසා දානවත් එක්කම මන්ත්‍රී විශ්‍රාම වැටුපත් අහෝසියි