තෙල් සංස්ථාවට බිලියන 36ක දැවැන්ත ලාභයක් - 2025 මූල්‍ය වාර්තාව මෙන්න

2025 වසරේදී ඛනිජ තෙල් නීතිගත සංස්ථාව රුපියල් බිලියන 36.4ක ලාභයක් වාර්තා කරමින් අඛණ්ඩව තුන්වන වසරටත් ධනාත්මක මූල්‍ය කාර්ය සාධනයක් ලබා ඇති බව මහ බැංකුව සිය නවතම වාර්ෂික ආර්ථික සමාලෝචනයේ සඳහන් කරයි.

මෙය 2024 වසරේදී වාර්තා වූ රුපියල් බිලියන 34.2ක ලාභයට පසුව සිදුවූ වර්ධනයක් වේ.

2025 අවසානය වන විට ඛනිජ තෙල් නීතිගත සංස්ථාවේ හිඟ විදේශ මුදල් ණය සහ ආනයන බිල්පත් ප්‍රමාණය ඩොලර් මිලියන 252ක් ලෙස වාර්තා වී ඇත.

මහ බැංකුව පවසන්නේ, අතිරික්ත සැපයුම සහ ගෝලීය ආර්ථික වර්ධනය මන්දගාමී වීම පිළිබඳ කණස්සල්ල මධ්‍යයේ 2025දී ගෝලීය බොරතෙල් මිල 14.5%කින් පහළ ගොස් ඇති බවයි. බ්‍රෙන්ට් බොරතෙල් සාමාන්‍ය මිල 2024දී ඩොලර් 79.79 සිට 2025දී ඩොලර් 68.25 දක්වා පහළ ගොස් තිබේ.

ඇමති ලාල් කාන්තගේ මාදිවෙල නිල නිවස ගැන ලොකු හෙළිදරව්වක්

එම කාලය තුළ දේශීය ඉන්ධන මිල ගණන්ද පහළ ගොස් ඇති අතර, 2025 අවසානය වන විට පෙට්‍රල් 92, ඔටෝ ඩීසල් සහ භූමිතෙල් මිල පිළිවෙළින් රුපියල් 15, රුපියල් 9 සහ රුපියල් 8කින් අඩුවී ඇති බව වාර්තාවේ සඳහන් වේ.

ආර්ථික ක්‍රියාකාරකම් වැඩිවීමත් සමඟ ඛනිජ තෙල් අලෙවි පරිමාව 7.4%කින් ඉහළ ගොස් ඇති බවද මහ බැංකුව පෙන්වා දෙයි.

කෙසේවෙතත්, මැද පෙරදිග භූ දේශපාලනික ආතතීන් හේතුවෙන් 2026 මාර්තු මාසයේදී බොරතෙල් සැපයුම් බාධා ඇතිවීමෙන් මිල නැවත ඉහළ ගොස් ඇති අතර, සාමාන්‍ය මාසික මිලකරණ යාන්ත්‍රණයෙන් පිටත සැලකිය යුතු මිල ගැළපීම් සිදු කිරීමට සිදුවූ බවද වාර්තාව සඳහන් කරයි. 

මුදල් අමාත්‍යාංශ ලේකම්ගෙන් ඉල්ලා අස්වීම ඉල්ලයි