ඊලඟ ඡන්දේ වෙනකොට විපක්‍ෂයේ ඔක්කොම හිරේ - නිවාස නියෝජ්‍ය ඇමති

නිවාස නියෝජ්‍ය අමාත්‍ය ටී. බී. සරත් පවසන්නේ මීළඟ මැතිවරණය පවත්වන කාල සීමාව වන විට විපක්ෂයේ දේශපාලනඥයන් සියලු දෙනාම සිරගත කෙරෙන බවත් මැතිවරණයට තරග කිරීමට ජාතික ජන බලවේගය හැර කිසිවෙකුත් ඉතිරි නොවන බවත්ය.

“දැන් කවුරුහරි හිතාගෙන ඉන්නවා නම් ප්‍රාදේශීය සභාවල බලය අල්ලනවා එකතුවෙලා කියලා, එකතුවෙලා ඉතින් ඕක අල්ලාගෙන ඉන්නයි තියෙන්නෙ. වෙන මොකුත් කරන්න බෑ. ලබන මැතිවරණය වෙනකොට ඔය මහත්තුරු ඔක්කොම ඇතුළේ. කවුරුත් ඉතුරු වෙන්නෑ ඡන්දෙ ඉල්ලන්න. අපෙ වුවමනාවට යනවා නෙවෙයි, නඩු අහලා වැරදිකරු වෙනවා.

කොළඹ නගරාධිපති පුටුව මාලිමාවට

දැන් දෙකක් ගියා අවුරුදු විස්ස විසිපහ. බය වුණ තරම කොච්චර ද කියනවා නම් පක්ෂ හතරම එකතුවෙලා තීන්දුවක් ගත්තා අපි ඔක්කොම එකතුවෙලා ප්‍රාදේශීය සභා හදනවා කියලා. පක්ෂ හතර නෙවෙයි අටක් එකතුවෙලා බලපෑම් කළත් යවන එක යවනවා ඉදිරි අවුරුදු හතර තුළ මහ උළු ගෙදර, මේ රටේ ජනතාවගේ දේපළ හොරකම් කරපු අයව.”

පොළොන්නරුව ප්‍රදේශයේ පැවති උත්සවයක් අමතමින් නියෝජ්‍ය අමාත්‍ය ටී. බී. සරත් මේ බව පැවසුවා.

නාමල්ගේ කෙරුවාව එළියට පඩි ලක්ෂ 42ක් දීලා අරලියගහ මන්දිරේ ගුවන් සේවිකාවක් තියාගෙන