ශ්‍රී ලංකා ප්‍රසංගය අවලංගුයි කියලා නිහඬව හිටිය Ne-Yoගෙන් ලොකු පිපිරීමක්

ජාත්‍යන්තර R&B සංගීත තරුවක් වන නෙ-යෝ, කොළඹදී දෙසැම්බර් 28 වැනිදා පැවැත්වීමට නියමිතව තිබූ ඔහුගේ ප්‍රසංගය අවසන් මොහොතේ අවලංගු වීමෙන් පසු ශ්‍රී ලාංකික රසිකයින්ගෙන් ගැඹුරු සමාවක් ඉල්ලා තිබේ.

සමාජ මාධ්‍ය හරහා නිකුත් කළ සටහනකින් ගායකයා පැවසුවේ, තම ශ්‍රී ලාංකික රසිකයින් සමඟ "රොක් වෙමින්" වේදිකාවේ රඟ දැක්වීමට බලා සිටි බවත්, එහෙත් "අනපේක්ෂිත තත්ත්වයන්" නිසා එය ක්‍රියාත්මක කිරීමට නොහැකි වූ බවත්ය. ඔහු තම "ගැඹුරුම සමාව" ප්‍රකාශ කරමින්, ඉදිරියේදී ශ්‍රී ලංකාවට නැවත පැමිණීමට බලාපොරොත්තු සහිත බව රසිකයින්ට සහතික කළේය.

කල්දැමූ Ne-Yo ප්‍රසංගය සම්බන්ධයෙන් සංවිධායකයින්ට එරෙහිව වංචා පැමිණිලි

"අපි ඉක්මනින් මෙය නැවත උත්සාහ කරමු. සියලු ආදරය සහ ගෞරවය," යනුවෙන් නෙ-යෝ සඳහන් කරමින්, තවත් අවස්ථාවක රසිකයින් හමුවීමට බලාපොරොත්තු වන බව පැවසීය.

බ්‍රවුන් බෝයි ප්‍රසන්ට්ස් ආයතනය විසින් සංවිධානය කර තිබූ මෙම ප්‍රසංගය සුගතදාස එළිමහන් ක්‍රීඩාංගණයේදී පැවැත්වීමට නියමිතව තිබූ අතර, අවසන් මොහොතේ "අනපේක්ෂිත තත්ත්වයන්" උල්ලේඛ කරමින් අත්හිටුවීමට තීරණය කෙරිණි. මෙම තීරණය සම්බන්ධයෙන් සංවිධායකයින්ට එරෙහිව මහජන ප්‍රතිචාර සහ වංචා පැමිණිලි රැසක් ඉදිරිපත් වී ඇති බව මාධ්‍ය වාර්තා කරයි.