රටේ සියලුම දිස්ත්‍රික්ක ආවරණය කරමින් අලුත් වැඩක්

සමාජ සවිබල ගැන්වීම තුළින් දිළිඳුකම පිටු දැකිම සහ ආර්ථික සාධාරණත්වය තහවුරු කිරීමට නව රජය හඳුන්වා දී ඇති ප්‍රජාශක්ති ජාතික ව්‍යාපාරය මේ වන විට රටේ සියලුම දිස්ත්‍රික්ක ආවරණය කරමින් සාර්ථකව ක්‍රියාත්මක වේ.

එම සැලසුම් ඉදිරියට ක්‍රියාත්මක කිරීම සඳහා නව ඩිජිටල් පද්ධතියක් හඳුන්වා දීමටත් සැලසුම් කර ඇති බව සඳහන්.

මේ බව ප්‍රජාශක්ති ජාතික වැඩසටහන පිළිබඳව රටේ සියලුම ප්‍රාදේශීය ලේකම් කොට්ඨාසවල සේවය කරනු ලබන නියෝජ්‍ය ක්‍රමසම්පාදන අධ්‍යක්ෂවරුන් සහ සහකාර ක්‍රමසම්පාදන අධ්‍යක්ෂවරුන් දැනුවත් කිරීමට අද (24) දින අරලියගහ මන්දිරයේ දී පැවති වැඩසටහනේදී සඳහන් කළා.

සියලුම රාජ්‍ය ආයතනවලට විශේෂ නිවේදනයක්

එම අවස්ථාවේදී අදහස් දැක් වූ ජනාධිපති ලේකම් ආචාර්ය නන්දික සනත් කුමානායක මහතා කියා සිටියේ ප්‍රජාශක්ති ජාතික ව්‍යාපාරය යනු නව රජය විසින් ක්‍රියාත්මක කරනු ලබන දිළිඳුකම පිටුදැකීමේ ප්‍රමුඛතම සංවර්ධන වැඩසටහන බවයි.

මේ අතර ජනාධිපති ලේකම්වරයා පෙන්වා දුන්නේ 2026 වර්ෂය සඳහා රුපියල් බිලියන 180 ක් පමණ අයවැය ඇස්තමේන්තු හා අයවැය යෝජනා මඟින් ග්‍රාමීය සංවර්ධනයට වෙන් කර තිබෙන අතර, එම ප්‍රතිපාදන උපයෝජනය කිරීමේ දී ග්‍රාම නිලධාරී වසම් මට්ටමින් ස්ථාපිත කර ඇති ප්‍රජා සංවර්ධන සභා වෙනුවෙන් සුවිශේෂි කාර්යභාරයක් පැවරී ඇති බව‍යි.

එමෙන්ම ජනාධිපති ලේකම්වරයා වැඩිදුරටත් පෙන්වා දුන්නේ එම සියලු කාර්යයන් උපරිම කාර්යක්ෂමතාවයකින් හා ඵලදායිතාවයකින් යුතුව ක්‍රියාත්මක කිරීමේදී ප්‍රාදේශීය ලේකම් කොට්ඨාසවලට අනුයුක්ත කර සිටින නියෝජ්‍ය හා සහකාර අධ්‍යක්ෂවරුන්ට විශාල වගකීමක් පැවරෙන බවයි. 

සියලුම දෙනාට පොලීසියෙන් විශේෂ දැනුම්දීමක්

රාජ්‍ය නිලධාරීන්ගේ විශ්‍රාම වැටුපේ වෙනසක්