හාල් පරිප්පු සීනි කරවල ඇතුළු ආහාර මිල ඉහළට? මිලේ සීමා පනවන්නැයි ජනතාව ඉල්ලයි

අලුත්ගම සහ බේරුවල ප්‍රදේශවල පාරිභෝගිකයෝ ඉල්ලා සිටියේ සහල්, පරිප්පු, සීනි, කරවල මිරිස් තුන පහ ඇතුළු අත්‍යවශ්‍ය භාණ්ඩ වල මිල ඉහළ යෑම සම්බන්ධයෙන් පාරිභෝගික අධිකාරියේ අවධානය යොමු කරන ලෙසයි.

පාරිභෝගිකයෝ පවසන්නේ මේ නිසා ළඟ එන සිංහල හින්දු අලුත් අවුරුද්දට නිවසට අවශ්‍ය බඩු භාණ්ඩ ගෙන ඒමට යෑමේදී විශාල අපහසුතාවට පත්වූ බවයි. භාණ්ඩ හිගයක්ද මවා පා ඇතැම් වෙළඳ සල් පාරිභෝගික ජනතාවට යම් යම් සීමා පනවා ඇති බවත් පාරිභෝග ජනතාව පවසා ඇත.

මේ අයට නව QR ක්‍රමවේදයක් - මෙන්න විස්තරේ

මේ වන විට ඇතැම් වෙළඳුන් සීනි පරිප්පු ඇතුළු දෑ නිකුත් කරන්නේ කිලෝ දෙක තුන වශයෙන් බවත්, එහෙත් පාරිභෝගික අධිකාරිය නියම කර තිබෙන මිලට භාණ්ඩ මිල අඩු කිරීමට නොහැකි බව එම වෙළෙන්දෝ කියා සිටියහ. ඇතැම් සුපිරි වෙළෙඳ සල්වලද අත්‍යවශ්‍ය භාණ්ඩ නිකුත් කිරීම සීමා කර ඇති බව එහි කළමනාකරුවන්ගෙන් වීමසීමේදී ඔවුහු සඳහන් කළහ.

දැඩි දුෂ්කරතා මැද මෙවර සිංහල හින්දු අවුරුද්ද සැමරීමට ආහාර මිලදී ගැනීමේදී දැඩි පීඩාවකට පත්වෙන බවත් ගිය වසරට සාපේක්ෂව සතියක ආහාර ලැයිස්තුවට සියයට තිස්පහක පමණ වැඩිවීමක් ඊයේ (27) දින වන විට වැඩිව තිබෙන බවත් පාරිභෝගිකයෝ සඳහන් කළහ.

සුභ ආරංචියක් - හෙට සිට තෙල් සාමාන්‍ය පරිදි - තෙල් බවුසර් හිමියන්ට 25%ක් දෙන්න පොරොන්දු

තොග සිල්ලර වෙළඳුන් සඳහන් කරන්නේ ඉන්ධන මිල ඉහළ යෑමට සාපේක්ෂව නැවෙන් ගොඩ බාන තැන සිට නිවසේ මුළුතැන් ගෙට එන තෙක් මෙම මිල වැඩිවීම බලපානු ඇති බවයි.