අද සිට ඉදිරි දින කිහිපය මේ ලග්න වල අය දැඩි අවධානයෙන් ඉන්න..මේ සතියෙ වෙන්න තියෙන දේ මෙතනින් දැන ගන්න.

🔴 මේෂ ලග්නය

හදිසි ගනුදෙනුවකට කටයුතු උදාකරන සතියක් වන අතර මේ සතියේ ඔබේ ලග්නයට අනුව සඳු ග්‍රහයා ගමන් කරන්නේ 1,2,3,4 යන භාවස්ථානවලයි.

අමතර ලැබීම් සහිත කාලයකි. විශේෂ කෙනකුගේ හමුවීමක් සිදු කරයි. නීති ගැටලුවකට මැදිවීමට ඉඩ ඇත. වෙනදාට වඩා යන එන ගමන් ගැන සැලකිලිමත් වන්න. නැති වූ දෙයක් නැවත හිමි කරයි.

විදෙස් ගත ඥාතියකුගෙන් උපකාරයක් හිමිකරයි. දැහැමි ලෙස ජීවිතය ගතකරන කාලයකි. රැකියාවේ කටයුතු සම්බන්ධ වෙනදාට වඩා සුබදායක බවක් ඇති කරයි.

තනතුරු වෙනසක් හෝ ස්ථිරවීමක් බලාපොරොත්තුවිය හැකි කාලයකි. ව්‍යාපාර කටයුතුවල නියැළී සිටින අයට වාසි අත් කරයි.

අතමිට සරුකරන සුළු සුළු ස්වයං රැකියා මාර්ගවලට හේතු ඇති කරයි. මෙතෙක් ගැටලුකාරි ලෙස කරගෙන ගිය අධ්‍යාපන කටයුතු උනන්දුවකින් කරගෙන යන බවක් පෙන්නුම් කරයි.

අලුත් පොත්පත් මිලදී ගැනීමකට හේතු ඇති කරයි. විභාග ජයග්‍රහණයක් පිළිබඳ සතුටට පත්විය හැකි කාලයකි. ශරීර වෙහෙස මහන්සිය ඇති කරයි.

පපුව, පෙනහැල්ල ආශි‍්‍රත සෙම ගතිය හේතුවෙන් ප්‍රතිකාර ලබා ගැනීමට සිදු වෙයි. හදිසි වැටීම් තැලීම්වලට ඉඩ ඇති කාලයකි. ජය අංකය - 04 ජය වර්ණය - කොළ

🔴 වෘෂභ ලග්නය

අමතර ලැබීම් සහිත කාලයක් වන අතර මේ සතියේ සඳු ග්‍රහයා ගමන් කරන්නේ 12, 1, 2,3 යන භාවස්ථානවලයි.

විශේෂ සැලසුම් කීපයකට සම්බන්ධවීමට සිදුවේ. අලුත් හිතවත්කම්වලට අවස්ථාව උදාකරන බවක් පෙනේ. වාහන ගනුදෙනුවකට සැලසුමක් ඇති කරයි. උත්සාහයෙන් කටයුතු සිදුකරන බවක් පෙනේ.

මවුපස ඥාතියකුගෙන් උපකාරයක් හිමිකරයි. නිතර සමාජසේවා කටයුතුවල නිරතවන කාලයකි. රැකියාවේ කටයුතු සම්බන්ධ පැවැති ගැටලුකාරි බවක් මඟහැරී යයි.

අතමිට සරුකරන රැකියා මාර්ගවලට හිමිකම් ඇති කරයි. අලුත් රැකියා අපේක්ෂාවෙන් සිටින අයට සුබදායකයි. ඇවිදිලි වැඩිකරන රැකියා මාර්ගවලට හිමිකම් ඇති කරයි.

රැකියාවේ ඉදිරි දියුණුව සම්බන්ධ විශේෂ පියවර කීපයක් ගන්නා බවක් පෙනේ. අමතර භාෂාවක් ඉගෙනීමට කටයුතු උදා කරයි. එමෙන්ම අලුත් පාඨමාලාවක් හැදෑරීම වෙනුවෙන් අමතර මුදලක් වැය කිරීමට සිදුවේ.

දහම් අධ්‍යාපනික කටයුතුවලින් විශේෂ සම්මාන සහතික උදාකර දෙයි. කැපවීමෙන් අධ්‍යාපන කටයුතු කරගෙන යන සතියකි. තරග විභාගයකට සූදානම් වන බවක් පෙනේ. කොන්ද ආශි‍්‍රත ආබාධයකට ප්‍රතිකාර ලබා ගැනීමට සිදු වේ.

යටපත්ව පැවැති ආබාධයක් නැවත මතුවිය හැකිය. රුධිරගත සීනි මට්ටම කෙරෙහි සැලකිලිමත් විය යුතු සතියකි. ජය අංකය - 04 ජය වර්ණය - කොළ

🔴 මිථුන ලග්නය

පවුලේ කටයුතු වෙනුවෙන් විශේෂ අවධානයක් යොමුකළ යුතු සතියක් වන අතර, මේ සතියේ සඳු ග්‍රහයා 11,12, 1, 2 යන භාවයන් මතින් ගමන් කරයි.

විශේෂ හිතවත්කමකට මඟ සැලසෙන සතියකි. දුර ඥාතියකුගේ පැමිණීමක් සිදුවීමෙන් වෙනස්කම් කීපයක් සිදු කරයි. නිතර ඇසුරු කරන අයකු සමඟ සිත් අමනාපයක් ඇති කර ගනී.

විදෙස් ගමනක් පිළිබඳ සැලසුමක් ඇති කරගන්නා බවක් පෙනේ. දරුවකුගේ විශේෂ ජයග්‍රහණයක් පිළිබඳ සතුටට පත්විය හැකි කාලයකි.

රැකියාවේ ඉදිරි වැඩපිළිවෙලක් වෙනස් කරයි. රැකියාවේ කටයුතුවලට විවිධ අවහිරතා පැන නැගීමට ඉඩ ඇත. නිතර ඇවිදිලි වැඩි කරන රැකියා මාර්ගවලට හිමිකම් ඇති කරයි.

තනතුරු වෙනසක් හෝ රැකියාවේ ස්ථාන වෙනසක් සිදුවීමට ඉඩ ඇති කාලයකි ඉගෙනීමේ කටයුතුවලට විවිධ බාධා පැන නැඟේ. අතපසුවූ පාඩම් වැඩ කීපයක් සම්පූර්ණ කර ගැනීමට අවස්ථාව සැලසේ.

අලුත් පොත්පත් මිලදී ගැනීමකට කටයුතු උදා කරයි. අවිවේකි ලෙස අධ්‍යාපන කටයුතු කරගෙන යන කාලයකි. සෞඛ්‍යය යටපත් වූ චර්මගත ආබාධයක් නැවත මතු කරයි. වෙනදාට වඩා ශරීර සෞඛ්‍ය පිළිබඳ විමසිලිමත් වන්න.

පරම්පරාගත රෝගයක් ඉස්මතු විය හැකි කාලයකි. පාදයේ හට ගන්නා ආබාධයක් වෙනුවෙන් ප්‍රතිකාර පතන බවක් පෙනේ. ජය අංකය - 09 ජය වර්ණය - කොළ

🔴 කටක ලග්නය

හිතුමතයට කටයුතු සිදු කරන සතියක් වන අතර මේ සතියේ සඳු ග්‍රහයා 10, 11, 12, 1 යන භාවස්ථානවල ගමන් කරයි.

ගෘහ ජීවිතයේ කටයුතු පිළිබඳ වෙනදාට වඩා සොයා බලා කටයුතු කරන්න. පවුලේ ගැටලුවක් දුරදිග යාහැකි බවක් පෙනේ. ඥාති මිත්‍ර සබඳතා අඩුකරන සතියකි.

අඹුදරුවන් ගැන උනන්දුව අඩු කරයි. හදිසි ගමනකට සහභාගිවීමට කටයුතු උදාකරයි. පැවැති ගැටලුවක් විසඳා ගැනීමට මාර්ගය උදා වෙයි. රැකියාවේ කටයුතු සම්බන්ධ වෙනස්කම් කීපයක් සිදු කරයි.

තනතුරු වෙනසක් සිදුවීමෙන් සිතේ නොසන්සුන්තාවයක් ඇති කරයි. අමතර ලැබීම් සහිත රැකියා මාර්ගවලට හේතු යෙදේ. වෙළෙඳ ව්‍යාපාර කටයුතුවලට යොමුවන කාලයකි.

අලුත් දේ ඉගෙනීමට කටයුතු උදා කරයි. ඉගෙනීමට දක්ෂතාවයක් ඇතත් අතරමඟ බාධා ගෙන දෙන බවක් පෙනේ. ගණිත අංශයේ, තාක්ෂණික අංශයේ කටයුතුවලින් විවිධ ජයග්‍රහණ හිමිකරයි.

ගුප්ත ශාස්ත්‍රය ඉගෙනීමට පි‍්‍රයතාවයක් දක්වයි. සෙම් දෝෂ බහුලවීමෙන්, උගුරේ අමාරු, හිසේ අමාරු, ආදිය ඇතිවිය හැකියි. වෙනදාට වඩා ශීතල ආහාරපානවලින් පරිස්සම්වීම වැදගත් වේ.

පරම්පරාගත රෝගයක් ඉස්මතු විය හැකි කාලයකි. හදිසි වෛද්‍ය පරීක්ෂණයකට ද භාජනය වීමට සිදු වෙයි. ජය අංකය - 07 ජය වර්ණය - රතු

🔴 සිංහ ලග්නය

උත්සාහයෙන් කටයුතු සිදුකරන සතියක් වන අතර මේ සතියේ සඳු ග්‍රහයා 9, 10,11, 12 යන භාවයන් මතින් ගමන් කරයි.

ආගමික හා සමාජ සේවා කටයුතුවලට යොමුවන කාලයකි. විශේෂ කටයුතු කීපයකට සම්බන්ධවීමට අවස්ථාව උදා කරයි. තරමක අහංකාර ගතිපැවතුම් ඇති කරන කාලයකි.

නොසිතූ පාඩුවක් සිදුවීමෙන් ගැටලු කීපයක් මතු කරයි. අඹුසැමි සුහදතාවයට බාධා මතුකරන කටයුතු කීපයක් යෙදේ. හදිසි ගණුදෙනුවකට කටයුතු උදා කරයි.

පවුලට අලුත් ඥාතියකු සම්බන්ධ විය හැකි බවක් පෙනේ. රැකියා අංශයේ කටයුතු සම්බන්ධ විශේෂ දියුණුවක් දැකිය හැකියි. වෙළෙඳ ව්‍යාපාර කටයුතු වලට සම්බන්ධ වූ අයට සුබදායකයි.

රැකියාවේ කටයුතු උදෙසා දුර පළාතකට යාමට සිදුවෙයි. කලා ක්ෂේත්‍රයේ කටයුතුවලට සම්බන්ධ රැකියා හිමිකම් ඇති කරයි. ධාරණ ශක්තිය බලවත් කාලයකි. අලුත් දේ ඉගෙනීමට කැමැත්තක් දක්වන කාලයකි.

ලිවීමට කියවීමට දක්ෂය. උසස් අධ්‍යාපන කටයුතු සඳහා දුර පළාතකට යාමට සිදුවන බවක් පෙනේ. ශරීර සෞඛ්‍යය පවත්වා ගැනීමට වෙහෙසක් දරන කාලයකි.

ව්‍යායාම්වලින් ආහාරපානවලින් ශරීර සෞඛ්‍ය පවත්වාගැනීමට වෙහෙසෙන බවක් පෙනේ. එහෙත් හදිසි වැටීම් තැලීම්වලට ඉඩ ඇති කාලයක් බැවින් පරිස්සම් වන්න. ජය අංකය - 03 ජය වර්ණය - තැඹිලි

🔴 කන්‍යා ලග්නය

ගතසිත වෙහෙසා කරන කටයුතු අධික කරන කාලයක් බැවින් මේ සතියේ සඳු ග්‍රහයා 8, 9, 10, 11 යන භාවයක් මතින් ගමන් කරයි.

නොගැළපෙන ඇසුරකට කටයුතු සැලසීමට ඉඩ ඇත. විශ්වාසය බිඳ වැටීමක් සිදුවීමෙන් සිතේ නොසන්සුන්තාවයක් ඇති කරයි. කල්ගත වූ ණය ගනුදෙනුවකින් නිදහස්වීමට කටයුතුª උදා කරයි. පැවැති අවිවේකී බව මඟහැරී යයි.

අලුත් ඥාති මිත්‍රාදීන් දැන හඳුනා ගැනීමට මාර්ගය උදා කරයි. ශාස්ත්‍රීය කටයුතු සම්බන්ධ රැකියා මාර්ගවලට හේතු ඇති කරයි. එමෙන්ම රැකියාවේ ඉදිරි දියුණුවට විශේෂ පියවර කීපයක් ගන්නා කාලයකි.

තනතුරු වෙනසක් හෝ ස්ථාන වෙනසක් සිදුවීමට ඉඩ ඇති කාලයක් බව පෙනේ. විවිධ අවහිරතා මැද අධ්‍යාපන කටයුතු කරගෙන යන බවක් පෙනේ.

උසස් අධ්‍යාපන කටයුත්තක් වෙනුවෙන් අමතර මුදලක් වැය කිරීමක් සිදු කරයි. සාහිත්‍ය කලා අංශයට ළැදි කාලයකි. ධාරණ ශක්තිය බලවත් බැවින් හොඳින් මතක තබා ගැනීමේ ශක්තියක් ඇති කරයි.

ශරීර සෞඛ්‍ය පිළිබඳ වෙනදාට වඩා සැළකිලිමත්වන්න. ශරීර අභ්‍යන්තරයේ ඇතිවන ආබාධ තත්ත්වයකට ප්‍රතිකාර ලබා ගැනීමට සිදුවෙයි.

එමෙන්ම උදරාබාධ, සෙම් දෝෂ, ඇතිවිය හැකි කාලයක් බැවින් එදිනෙදා කටයුතු පිළිබඳ සැලකිලිමත් වන්න. ජය අංකය - 04 ජය වර්ණය - කොළ

🔴 තුලා ලග්නය

සැනසිලිදායක ලෙස සතිය උදාකරන අතර මේ සතියේ සඳු ග්‍රහයා 7,8,9,10 යන භාවයන් මතින් ගමන් කරයි.

ගේ දොර කටයුතු ක්‍රමවත් ලෙස කරගෙන යෑමට වෙහෙසක් දරන කාලයකි. මෙතෙක් ප්‍රමාදවු කටයුතු කීපයක් සාර්ථක කර ගැනීමට හැකිවෙයි.

දරුවකු පිළිබඳ සතුටට පත්විය හැකි කරුණු කීපයක් සිදුකරයි. හදිසි මංගල යෝජනාවක් සාර්ථකවන ලකුණුූ පෙන්නුම් කරයි. උත්සාහයෙන් කටයුතු සිදුකරන කාලයකි. දනට පිනට ළැදි කාලයකි.

රැකියාවේ කටයුතු සම්බන්ධ දුරදිග සිතා බැලිය යුතු කාලයකි. රජයට සම්බන්ධ රැකියා කටයුතුවල නිරතවී සිටින අයට වගකීම් වැඩි කරයි. හවුල් ව්‍යාපාරයකට සම්බන්ධවීමට කටයුතු සැලසේ.

අතමිට මුදල් ගැවසෙන සුළු සුළු රැකියා මාර්ගවලට හිමිකම් ඇති කරයි. තරගකාරි ලෙස අධ්‍යාපන කටයුතු කරගෙන යන කාලයකි.

කණ්ඩායම් වැඩසටහන්වලට සම්බන්ධවීමට කටයුතු සැලසේ. උසස් අධ්‍යාපන කටයුතුවලට විවිධ අවහිරතා මතුවීමට ඉඩ ඇත.

ස්නායු රෝග (අතපය හිරිවැටීම්) නිතර නිතර ඇතිවිය හැකි කාලයකි. ඇසක ආබාධයකට ප්‍රතිකාර ලබා ගැනීමට සිදු වෙයි. වෙනදාට වඩා ආහාරපාන පිළිබඳ සැලකිලිමත් වන්න. ජය අංකය - 03 ජය වර්ණය - දම්

🔴 වෘශ්චික ලග්නය

එදිනෙදා කටයුතු අධිකවන සතියක් වන අතර මේ සතියේ සඳු ග්‍රහයා 6,7,8,9 යන භාවයන් මතින් ගමන් කරයි.

විශේෂ සැලසුමක් වෙනුවෙන් වෙහෙසීමට සිදුවේ. එමෙන්ම හිතවතකුගේ භෝජන සංග්‍රහයකට සහභාගි වීමට අවස්ථාව සැලසේ. ගේ දොර අලංකාරය වෙනුවෙන් වෙහෙසෙන කාලයකි. ප්‍රමාදවූ තීරණයක් සාර්ථක කරයි.

අසල්වාසී සුහදතාවයට හේතු ඇති කරයි. අවිවේකී ලෙස රැකියාවේ කටයුතු කරගෙන යයි. මෙතෙක් තනතුරු බලාපොරොත්තුවෙන් සිටි අයට එතරම් යහපත් කාලයක් නොවනු ඇත.

දෑතේ මහන්සියෙන් කරන රැකියා කටයුතුවලින් අමතර ලැබීම් හිමිකරන බවක් පෙනේ. නිවෙසින් බැහැරව කරන රැකියා මාර්ගවලට හේතු ඇති කරන සතියකි.

සෞන්දර්යාත්මක කටයුතුවලන් විවිධ සම්මාන, සහතික හිමිකරයි. එමෙන්ම විදෙස් අධ්‍යාපනයකට ද සැලසුමක් ඇතිකර ගනී. දුරබැහැර ප්‍රදේශයකට අධ්‍යාපන කටයුතු සඳහා යාමට සිදුවන සතියකි.

කණ්ඩායම් වැඩසටහනක මූලිකත්වයක් ගැනීමට සිදුවන බවක් පෙනේ. වරින්වර ඇතිකරන අජීර්ණ ආබාධයකට ප්‍රතිකාර ලබා ගැනීමට සිදු වේ. පරම්පරාගත රෝගයක් ඉස්මතුවිය හැකි කාලයකි.

පැණි රස කෑම, තෙල් බැඳුම් ආදියේ වැළැකී සිටීම යහපත්වන බවක් පෙනේ. ශරීර සෞඛ්‍යයට බාධා ඇතිකරන සතියකි. ජය අංකය - 09 ජය වර්ණය - කහ

🔴 ධනු ලග්නය

වෙනදාට වඩා උත්සාහයෙන් එදිනෙදා කටයුතු සිදුකරන සතියක් වන අතර මේ සතියේ සඳු ග්‍රහයා 5,6,7,8, යන භාවයන් මතින් ගමන් කරයි.

දරුවකුගේ කටයුතු හේතුවෙන් සිතේ නොසන්සුන්තාවයක් ඇති කරයි. දේපළ ගැටලුවක් නිරවුල් කරගැනීමට අවස්ථාව සැලසේ. නිතර වයසින් අඩු අය සමඟ ඇසුරට කටයුතු සැලසේ. විශේෂ කෙනකුගේ හමුවීමක් සිදුවීමට ඉඩ ඇත.

වගකීම් බහුල සතියකි. නිතර පුණ්‍ය කටයුතුවලට සම්බන්ධවීමට අවස්ථාව උදා කරයි. අලුත් රැකියාවක් පිළිබඳ අදහසක් ඇති කරයි.

රැකියාවේ කටයුතු පිළිබඳ තීරණ ගැනීමේදි දුරදිග සිතා බලන්න. පැවැති උදාසීන ගති මඟහරවා ගෙන කටයුතු සිදු කරන කාලයකි.

කලා ක්ෂේත්‍රයේ මෙන්ම සෞන්දර්ය විෂය සම්බන්ධ කටයුතුවලට අමතර වියදම් බහුල කරයි. උගත්කමට සරිලන රැකියා මාර්ගවලට හේතු යෙදේ. හිස, පපුව ආශි‍්‍රත ඇතිවන ආබාධ තත්ත්වයකට ප්‍රතිකාර ලබා ගැනීමට සිදුවන සතියකි.

වෙනදාට වඩා ආහාරපාන ගැන සැලකිලිමත් වන්න. යටපත් වූ සෙම් රෝග තත්ත්වයක් නැවත මතු කරයි. හදිසි වැටීම් තැලීම්වලට ඉඩ ඇති බවක් පෙනේ. නිතර නිතර ඇතිවන ක්ලාන්ත ගතියකට ප්‍රතිකාර ලබා ගැනීමට සිදු වේ. ජය අංකය - 04 ජය වර්ණය - කොළ

🔴 මකර ලග්නය

සිතේ නොසන්සුන්තාවයකින් කටයුතු සිදු කරන සතියක් වන අතර මේ සතියේ සඳු ග්‍රහයා 4, 5, 6, 7 යන භාවයන් මතින් ගමන් කරයි.

පැවැති කරදර කීපයක් මඟහැරී යන බවක් පෙනේ. කැපී පෙනීමට කීර්තියට කැමැති කාලයකි. සම්ප්‍රදායික දේට වැඩි කැමැත්තක් දක්වයි. පවුලේ වැඩිහිිටියකුගේ උපකාරයක් හිමිවීමට ඉඩ ඇත.

වෙනදාට වඩා යන එන ගමන් ගැන සැලකිලිමත් වන්න. විදෙස් ඥාතියකුගෙන් උපකාරයක් හිමිකරයි. දනට පිනට ළැදි කාලයක් වන අතර, අසරණ කෙනකුට පිහිටවීමට අවස්ථාව උදාකරයි.

රැකියාවේ ඉදිරි සැලසුමක් වෙනස් කරයි. ඉතා සැහැල්ලුවෙන් රැකියාවේ කටයුතු සිදුකරගෙන යන බවක් පෙනේ. සාහිත්‍ය හා කලාකටයුතු සම්බන්ධ රැකියා මාර්ගවලට හේතු යෙදේ. පොතපත කියවීමට ආශාවක් දක්වයි. මතක ශක්තිය බලවත් වන කාලයකි.

දැනුම, බුද්ධිය, වර්ධනය වන කටයුතුවලට සම්බන්ධවීට සිදු වෙයි. උසස් අධ්‍යාපන කටයුතු වෙනුවෙන් පදිංචියෙන් පිට වාසයට කරුණු යෙදේ. සෙම් දෝෂ හිසේ අමාරු වරින්වර මතුවීමට ඉඩ ඇත.

වර දේශීය ප්‍රතිකාර පතා දුර පළාතකට යාමට සිදුවෙයි. ආහාර, ව්‍යායාම තුළින් ශරීර ශක්තිය ආරක්ෂා කර ගන්නා කාලයකි. ජය අංකය - 04 ජය වර්ණය - දම්

🔴 කුම්භ ලග්නය

අමතර ලැබීම් සහිත කටයුතු කීපයකට ඉඩ ඇති කාලයක් වන අතර මේ සතියේ සඳු ග්‍රහයා 3,4,5,6 යන භාවයක් මතින් ගමන් කරයි.

පවුලේ සැපත සතුට උදා කරන කාලයකි. මෙතෙක් ප්‍රමාද වූ කටයුතු කීපයක් සාර්ථක කර ගැනීමට හැකිවෙයි. අතරමඟ නවතා දමා තිබූ කටයුතු කීපයක් නැවත ආරම්භ කර ගැනීමට හැකිවෙයි.

නිතර තමා හමුවට යන එන කෙනකු පිළිබඳ සැලකිලිමත් වන්න. අලුත් දේ මිලදී ගැනීමකට කටයුතු සැලසෙන සතියකි. රැකියාවේ කටයුතු සම්බන්ධ සතුටුදායක සතියකි. තනතුරු ලාභයක් පිළිබඳ බලාපොරොත්තුවක් ඉටුකරයි.

විදෙස් රැකියාවක් සම්බන්ධ අදහසක් සාර්ථක කර ගනී. හදිසි ව්‍යාපාර කටයුත්තකට සම්බන්ධ වීමට අවස්ථාව උදා කරයි. අධ්‍යාපනය හදිසි තරග විභාගයකට සම්බන්ධවීමට කටයුතු උදාකරයි.

උසස් අධ්‍යාපනයට යම් යම් බාධා පැන නැගුණත් ඒවා ක්‍රමවත් ලෙස කරගෙන යෑමට හැකිවන බවක් පෙනේ. ගුරු දෙගුරුන්ගේ ප්‍රසාදයට ලක්වන සතියකි. මුත්‍ර අමාරු, යටිබඩ සම්බන්ධ ආබාධ ඇතිවිය හැකි කාලයකි.

වරින්වර හදිසි ප්‍රතිකාර පතා දුර පළාතකට යාමට සිදුවෙයි. නිතර ඇතිවන පාදයේ ආබාධයකට ද ප්‍රතිකාර ලබා ගැනීමට සිදුවෙයි. ඖෂධ පාවිච්චියේදී සැලකිලිමත් වන්න. ජය අංකය - 07 ජය වර්ණය - රතු

🔴 මීන ලග්නය

පවුලේ අය අතර කැපී පෙනෙන අන්දමේ කටයුතු කීපයක් යෙදෙන සතියක් වන අතර මේ සතියේ සඳු ග්‍රහයා 2,3,4,5 යන භාවස්ථානවල ගමන් කරයි.

අමතර වියදම් බහුල කරන සතියකි. පැවැති වගකීමකින් නිදහස උදා කරයි. දේපළ ගනුදෙනුවකට කටයුතු සැලසෙන බවක් පෙනේ.

පවුලේ වැඩිහිටියකු රැක බලා ගැනීමට කටයුතු උදා කරයි. වෙනදාට වඩා යන එන ගමන් ගැන සැලකිලිමත් වන්න. ගේ දොර අලුත්වැඩියාවක් වෙනුවෙන් වෙහෙසෙන සතියකි. උත්සාහයේ තරමට ප්‍රතිඵල අත්විඳීමට හැකිවෙයි.

අමතර ලැබීම් සහිත රැකියා මාර්ගවලට හේතු යෙදේ. අලුත් ව්‍යාපාර කටයුත්තකට අත ගැසීමට අවස්ථාව උදා කරයි. රැකියා ස්ථානයේ තරමක් ඉහළින් සිටීමට කරුණු යෙදේ. අතමිට සරුකරන සුළු සුළු රැකියා මාර්ගවලට හිමිකම් ඇති කරයි.

අමතර භාෂාවක් ඉගෙනීමට වෙහෙසෙන සතියකි. ගණිතය, භාෂා ශාස්ත්‍රයට වැඩි කැමැත්තක් දක්වයි. ඉගෙනීමට තරමක බාධා යෙදුණත් ප්‍රමාදවී හෝ ඉගෙනීමේ කටයුතු කරගෙන යන බවක් පෙනේ. තරග විභාග ජයග්‍රහණ හිමිකරන කාලයකි.

සෙම් ගෙඩි උගුරේ අමාරු, නිතර නිතර හට ගන්නා කාලයකි. වරින්වර ඇතිකරන උදරාබාධයකට ප්‍රතිකාර ලබා ගැනීමට සිදුවේ. ශාරීරික වෙහෙස මහන්සිය ඇතිකරන කාලයකි. ජය අංකය - 02 ජය වර්ණය - කොළ