කරන්දෙණියේ රාජුව පැය 72ක් රඳවාගෙන ඉදිරි විමර්ශන සිදු කරන්න යයි - වරෙන්තු 15ක්

ඉන්දියාවේදී අත්අඩංගුවට පත්ව මෙරටට රැගෙන ආ සංවිධානාත්මක අපරාධකරුවකු වන 'කරන්දෙණියේ රාජු' නමැත්තාගෙන් පැය 72ක කාලයක් රඳවාගෙන ඉදිරි විමර්ශන සිදුකරන බව පොලිස් මාධ්‍ය ප්‍රකාශක සහකාර පොලිස් අධිකාරී එෆ්.යූ. වුට්ලර් මහතා ප්‍රකාශ කරයි.

ඒ අනුව අද (18) පැවති විශේෂ ප්‍රවෘත්ති සාකච්ඡාවකදී ඔහු මේ බව කියා සිටි අතර, එහිදී පැවසුවේ එම සැකකරුට විරුද්ධව මෙරට අධිකරණවල වරෙන්තු 15ක් නිකුත්කර ඇති බවයි.

තවද ඔහුට විරුද්ධව විදේශ ගමන් තහනම් 26ක් නිකුත් කර ඇති බවත් පොලිස් මාධ්‍ය ප්‍රකාශකවරයා පවසා ඇත.

එමෙන්ම මෙම සැකකරු මීටියාගොඩ, කරන්දෙණිය, බලපිටිය සහ දකුණු පළාතේ සිදුවූ මනුෂ්‍ය ඝාතන, බරපතළ තුවාල කිරීම් සහ මංකොල්ලකෑම් මෙන්ම අවි ජාවාරම වැනි විවිධ අපරාධ රැසකට අවශ්‍යව සිටි පුද්ගලයෙකු බවද සඳහන්.

දරුණු ගණයේ අපරාධකරුවකු වූ කරන්දෙණියේ රාජු දිවයිනට රැගෙන එයි

ලංකාවට රැගෙන ආ මෙම සැකකරු සම්බන්ධයෙන් කොළඹ මධ්‍යම අපරාධ විමර්ශන කාර්යාංශයේ ජ්‍යේෂ්ඨ පොලිස් අධිකාරී කමල් ආරියවංශ මහතාගේ සෘජු අධීක්ෂණය යටතේ ඉදිරි විමර්ශන කටයුතු ආරම්භ කර තිබෙනවා.

එමෙන්ම පොලිස් මාධ්‍ය ප්‍රකාශකවරයා කියා සිටියේ, 2025 සහ 2026 වසර දෙක තුළ පමණක් ටී 56 ගිනිඅවි 81ක්, පිත්තෝල අවි 107ක් සහ රිවෝල්වර් 76ක් සිය භාරයට ගැනීමට හැකිවූ බවයි.

තවද 2024/2025/2026 වර්ෂවල රතු නිවේදන නිකුත්කළ වරෙන්තුකරුවන් 32ක් ගෙන්වා ගැනීමට හැකිවූ බවත්, රතු නිවේදන නොමැතිව වෙනත් අපරධවලට සම්බන්ධ තවත් 15ක් ජාත්‍යන්තර සහයෝගයෙන් ශ්‍රී ලංකවට ගෙන්වා ගන්නා බවත් ඔහු පවසා ඇත.

ශ්‍රී ලංකාවට අවශ්‍යකරන සැකකරුවන් 8ක් මේ වනවිට විදෙස් අත්අඩංගුවේ පසුවන බවත්, ඔවුන් කඩිනමින් රැගෙන එන්න සැලසුම් ක්‍රියාත්මක කර තිබෙන බවත් ප්‍රකාශ කර ඇත.

රාගම කළඹපු වයරල් වීඩියෝව නිසා කාන්තාවගේ කොණ්ඩේ බලෙන් කපලා පහර දුන් සැකකරුවන් 5ක් අත්අඩංගුවට

එසේම ඔහු පැහැදිලි කළේ අපරාධ පරීක්ෂණ දෙපාර්තමේන්තුවෙන් කරන ලද ඉල්ලිම් මත තවත් රතු නිවේදන 94ක් හැකි ඉක්මනින් ක්‍රියාත්මක කරන බවයි.

එමෙන්ම ඔක්තෝබර් 30වනදා රටම එකට ජාතික මෙහෙයුම් ආරම්භ කළ දා සිට මේ දක්වා ශ්‍රී ලාංකිකයන් තිස්ලක්ෂ 11,000ක් විවිධ වූ සෝදිසිකිරීම් වෙනුවෙන් ලක්කර ඇති බවත්, ඉන් විවිධ වූ අපරාධයන්ට අවශ්‍ය සැකකරුවන් 1873ක් පොලිස් භාරයට ගෙන ඇති බවත් සඳහන් කළා.

තවද 2026 වසරේදී පමණක් දින සහ විවෘත වරෙන්තුකරුවන් 44,587ක් පොලිස් භාරයට ගැනීමට හැකිවූ බවත් ඔහු පැවසුවා.

එමෙන්ම බීමත් රියදුරන් 31,796කට එරෙහිව අධිකරණය හමුවේ නඩු පවරා ඇති බවත් ඔක්තෝබර් 30වැනිදා සිට මේ දක්වා හෙරොයින් කිලෝ 1,579ක් සහ ග්‍රෑම් 616ක්, අයිස් කිලෝ 1,975 සහ ග්‍රෑම් 970ක්, ගංජා කිලෝ 5,115ක් සහ ග්‍රෑම් 716ක් පොලිස් භාරයට ගැනීමට හැකිව තිබෙනවා.

සල්ලි නිසා බිහි කරපු අම්මව ගහලම මරපු අමානුෂික පුතෙක් - අත්අඩංගුවට

'පොඩි පැටී' ඝාතනය කිරීමට තැත්කළ සැකකරුවෙකු කොස්ගොඩදී කොටු