වට්ස්ඇප් ගිණුම් වලින් හෙළිවූ භයානක දේ මෙන්න..ලෝකයටම රතු එළියක්..

අයිඑස් සංවිධානය සමඟ සබඳතා පැවැත්වූ ශ්‍රී ලාංකිකයින් 702 දෙදෙනෙකු සම්බන්ධයෙන් විමර්ශණ ආරම්භ කර ඇතැයි ත්‍රස්ත විමර්ශණ ඒකකය අද අධිකරණයට දන්වනු ලැබුවා.

ඉන්දියාවේදී අත්අඩංගුවට ගත් අයිඑස් සංවිධානයේ සාමාජිකයෙකු සතුව තිබූ ජංගම දුරකතනයක අන්තර්ගතව තිබූ තොරතුරු අනුව එම ශ්‍රී ලාංකිකයින් පිළිබදව පරීක්ෂණ ආරම්භ කර ඇති බවයි ත්‍රස්ත විමර්ශණ ඒකකය අධිකරණයට දැනුම්දුන්නේ.

අත්අඩංගුවට ගැණුනු අදාළ පුද්ගලයාගේ ජංගම දුරකතනයේ වට්ස්ඇප් ගිණුම් පරීක්ෂා කිරීමේදී මෙම තොරතුරු අනාවරණ වී තිබෙනවා.

මේ අතර බැට්මෑන් චිත්‍රපටයේ එන ජෝකර් ගේ චරිත්‍රයට සමාන අයුරින් සැරසුණු 24 හැවිරිදි පුද්ගලයෙකු විසින් ජපානයේ ටෝකියෝ අගනුවර දුම්රියක් තුලදී සිදුකරනු ලැබූ ප්‍රහාරයකින් පුද්ගලයින් 17 දෙනෙකු තුවාල ලබා තිබෙනවා.

Halloween උත්සවය සැමරීමේ සාදයකට යමින් සිටි පිරිසකට මෙම ප්‍රහාරය එල්ල වී ඇති බවයි එරට මාධ්‍ය වාර්තා කර සිටියේ.

ප්‍රහාරය එල්ල කරනු ලැබූ තැනැත්තා දුම්රිය ස්ථානය තුලදීම අත්අඩංගුවට ගෙන තිබු අතර ඔහු පොලිසියට පවසා ඇත්තේ තමන්ට මරණ දඬුවම ලබා ගැනීමට අවශ්‍ය නිසා මෙම ප්‍රහාරය දියත් කළ බවයි.

ප්‍රහාරය එල්ල කරනු ලැබූ තැනැත්තා ඒ සඳහා තියුණු ආයුධයක් මෙන්ම ගිනි ගන්නා සුළු ද්‍රව වර්ගයක් ද යොදා ගෙන තිබු බවයි එරට මාධ්‍ය වාර්තා කර සිටියේ.

ප්‍රහාරකයා විසින් දුම්රියේ ගමන් කරමින් සිටි පුද්ගලයින්ට තියුණු ආයුධයෙන් පහර දීමෙන් අනතුරුව ගිනි ගන්නා ද්‍රව වර්ගයක් ඔවුන් මතට ඉස ගිනි තැබීමට උත්සාහ කළ බවටද වාර්තා වනවා.

ප්‍රහාරය එල්ල වෙමින් තිබු අතර වාරයේදී දුම්රිය ස්ථානයක් වෙතට දුම්රිය ලඟා වීමත් සමග එහි සිටි මගීන් දුම්රියේ ජනේල වලින් පැන දිවි බේරා ගැනීමට දිවගොස් තිබු බවයි විදෙස් මාධ්‍ය වාර්තා කර සිටියේ.