දේශීය ආදායම් සංශෝධන පනත් කෙටුම්පත පාර්ලිමේන්තුවට - මේ සතියේ පාර්ලිමේන්තුවේ අවධානය ආර්ථිකය දෙසට

පාර්ලිමේන්තුව අද (19) දිනයේ යළි රැස්වීමට නියමිතව ඇති අතර, අද සිට ලබන 22 වනදා දක්වා පාර්ලිමේන්තු සැසිවාරය පැවැත්වීමට සැලසුම් කර ඇති බව පාර්ලිමේන්තු මහලේකම් කාර්යාලය පවසයි.

අද පෙරවරු 9.30ට ආරම්භ වන පාර්ලිමේන්තු දිනයේදී දේශීය ආදායම් සංශෝධන පනත් කෙටුම්පත දෙවන වර කියවීමේ විවාදය පැවැත්වීමට නියමිතය.

ආර්ථික සංවර්ධන නියෝජ්‍ය අමාත්‍ය නිශාන්ත ජයවීර මහතා ප්‍රකාශ කළේ, මෙම පනත් කෙටුම්පත මගින් මෙරට බදු ක්‍රමය සරල කිරීම අරමුණ කරගෙන ඇති බවයි.

පල්ලියට වෙඩි තබා මෝටර් රථය තුළම දිවි නසාගත් 17 සහ 19 හැවිරිදි තරුණයින්

කෙසේවෙතත්, සමගි ජනබලවේගයේ පාර්ලිමේන්තු මන්ත්‍රී අජිත් පී. පෙරේරා මහතා සඳහන් කර ඇත්තේ, මෙම බදු සංශෝධන මගින් බදු ගෙවීම් ප්‍රමාද කරන පුද්ගලයින්ට එරෙහිව අපරාධ නඩු පැවරීම සඳහා රජය උත්සාහ දරමින් සිටින බවයි.

මේ අතර, හෙට (20) දිනයේ ශ්‍රී ලංකා මහබැංකුව විසින් 2025 වර්ෂය සඳහා නිකුත් කළ ආර්ථික සමාලෝචන වාර්තාව සම්බන්ධයෙන් සභාව කල්තැබීමේ විවාදය පැවැත්වීමට නියමිතය.

බ්‍රහස්පතින්දා දිනයේදී ආනයන හා අපනයන පාලන පනත යටතේ රෙගුලාසි තුනක් විවාදයට ගැනීමට නියමිත අතර, මැයි 22 වනදා අභාවප්‍රාප්ත හිටපු පාර්ලිමේන්තු මන්ත්‍රීවරුන් වෙනුවෙන් ශෝක යෝජනා ඉදිරිපත් කිරීමට ද නියමිත බව මහලේකම් කාර්යාලය සඳහන් කරයි. 

සෞඛ්‍යය ගැන සැලකිලිමත් විය යුතු, අද දවසේ විශේෂ ලග්න පලාඵල විස්තරය