වැටුප ලැබුණු ගමන් සල්ලි යන තැන් මෙන්න - ඉන්දියාවේ Gen Zගේ මාසික වියදම හෙළිවෙයි

ඉන්දියාවේ Gen Z පරම්පරාව සංචාර සහ අත්දැකීම් සඳහා වැඩි කැමැත්තක් දක්වන බවට මතයක් පැවතියද, ඔවුන්ගේ සැබෑ මාසික වියදම් රටාව ඊට වඩා වෙනස් බව නව අධ්‍යයනයකින් අනාවරණය වී තිබේ.

SalarySe ආයතනය සිදුකළ මෙම අධ්‍යයනය සඳහා වැටුප් ලබන Gen Z පරම්පරාවට අයත් පරිශීලකයින් ලක්ෂ 5.2කට අධික පිරිසකගේ UPI ගනුදෙනු මිලියන ගණනක් විශ්ලේෂණය කර ඇත. අධ්‍යයනයට අනුව ඔවුන්ගේ මාසික වියදම්වලින් වැඩිම කොටසක් වෙන්වන්නේ බිල්පත් සහ ඩිජිටල් දායකත්ව සඳහා වන අතර එය සියයට 20.1කි.

සිල්ලර බඩු සඳහා සියයට 15.7ක්, මූල්‍ය සේවා සඳහා සියයට 12.2ක්, සාප්පු සවාරි සඳහා සියයට 11.9ක් සහ ආහාර සඳහා සියයට 11.5ක් වශයෙන් වියදම් කර තිබේ. මෙම කාණ්ඩ පහ සඳහා පමණක් Gen Z පරම්පරාවේ මාසික වියදම්වලින් සියයට 70කට වැඩි ප්‍රමාණයක් වැය වන බව අධ්‍යයනය පෙන්වා දෙයි.

ජපානයට දැඩි වර්ෂාපතනයක් - දහස් ගණනක් ගුවන්තොටුපොළේ සිරවෙයි

මේ අතර, Gen Z පරම්පරාවේ ප්‍රධාන ජීවන රටා ප්‍රමුඛතාවක් ලෙස සැලකෙන සංචාර සඳහා වැය වන්නේ මාසික වියදම්වලින් සියයට 5ක් පමණි. ඒ අනුව සංචාර සහ විනෝදාස්වාදය කෙරෙහි කැමැත්තක් තිබුණද, දෛනික අවශ්‍යතා සහ පුනරාවර්තන ගෙවීම් ඔවුන්ගේ වියදම්වල ප්‍රමුඛස්ථානය ගන්නා බව අනාවරණය වී ඇත.

විනෝදාස්වාද දායකත්ව අතර JioHotstar සියයට 12.4ක කොටසක් හිමිකරගෙන ඇති අතර, Netflix සියයට 10.7ක් සහ Spotify සියයට 5.6ක් ලෙස සටහන් වී තිබේ.

එමෙන්ම උපයෝගිතා බිල්පත්, මූල්‍ය සේවා සහ ඩිජිටල් දායකත්ව කළමනාකරණය සඳහා UPI සහ AutoPay භාවිතයද Gen Z පරම්පරාව අතර ඉහළ යමින් පවතින බව අධ්‍යයනය පෙන්වා දෙයි.

වයස් කාණ්ඩ අනුවද වියදම් රටාවේ යම් වෙනස්කම් දක්නට ලැබේ. වයස අවුරුදු 18ත් 23ත් අතර පිරිසගේ අත්‍යවශ්‍ය වියදම් සියයට 50ක් වූ අතර, වයස අවුරුදු 24ත් 29ත් අතර පිරිසගේ එම වියදම් ප්‍රමාණය සියයට 59ක් දක්වා ඉහළ ගොස් තිබේ.

කෙසේ වෙතත්, කණ්ඩායම් දෙකෙහිම අභිමතය පරිදි සිදුකරන වියදම් සියයට 32ක මට්ටමේ පවතින බව සඳහන් වේ. SalarySe සම-නිර්මාතෘ පියුෂ් බගාරියා පවසන්නේ ඉන්දියාවේ Gen Z පරම්පරාව සිය මූල්‍ය කටයුතු විශාල වශයෙන් ඩිජිටල් පදනමක් මත කළමනාකරණය කරන පරම්පරාවක් බවයි.

ඒ අනුව ඉන්දියාවේ තරුණ වැටුප් ලබන පිරිසගේ මාසික අයවැය තුළ සංචාර සහ ජීවන රටා වියදම් සඳහාද ඉඩක් තිබුණද, දෛනික අවශ්‍යතා, බිල්පත්, ආහාර, සිල්ලර බඩු සහ මූල්‍ය කටයුතු සඳහා වෙන්වන මුදල ඊට වඩා සැලකිය යුතු ලෙස ඉහළ බව අධ්‍යයනයෙන් හෙළි වී තිබේ.

මුහුද මැද දින 250ක් නිරයේ වැටුණු ඇමරිකානු නාවිකයෝ