හොංකොංහි ධනපතියකු වන ජිමී ලායිට ජීවිතාන්තය දක්වා සිර දඬුවම්

හොංකොංහි ප්‍රජාතන්ත්‍රවාදී ක්‍රියාකාරිකයෙකු සහ මාධ්‍ය අධිපතියෙකු මෙන්ම ජාත්‍යන්තර ඇඳුම් සන්නාමයක් වන ජියෝර්ඩානෝහි නිර්මාතෘවරයා වන ජිමී ලායි, විදේශීය බලවේග සමඟ හවුල් වීමේ චෝදනාව යටතේ ජාතික ආරක්ෂක නීතිය (NSL) උල්ලංඝනය කිරීම සම්බන්ධයෙන් වරදකරු බවට පත්ව ඇති බව වාර්තා වේ.

ජිමී ලායිට එරෙහි චෝදනාවන්ට අනුව, ඔහු තමාගේ දැන් අක්‍රියව ඇති ඇපල් ඩේලි පුවත්පත භාවිතයෙන් හොංකොං සහ චීනයට සම්බාධක පැනවීම සඳහා විදේශීය රජයන්ට බලපෑම් කිරීමේ පුළුල් උත්සාහයක නිරත වී ඇති බව අධිකරණය සොයාගෙන තිබේ.

විශේෂයෙන්ම 2019–2020 හොංකොං විරෝධතා අතරතුර ඔහු එක්සත් ජනපද උප ජනාධිපති මයික් පෙන්ස්, රාජ්‍ය ලේකම් මයික් පොම්පියෝ සහ ජාතික ආරක්ෂක උපදේශක ජෝන් බෝල්ටන් ඇතුළු එක්සත් ජනපද නිලධාරීන් සමඟ අවස්ථා කිහිපයකදී හමුවී, හොංකොං සහ චීනයට සම්බාධක පැනවීම සම්බන්ධයෙන් සාකච්ඡා කර ඇති බව හොංකොං අධිකරණය තහවුරු කරගෙන තිබේ.

ඒ අනුව, 2020 අගෝස්තු 10 වැනිදා හොංකොං පොලිසිය විසින් නව ජාතික ආරක්ෂක නීතිය උල්ලංඝනය කිරීමේ චෝදනා මත ලායි අත්අඩංගුවට ගෙන ස්ටැන්ලි බන්ධනාගාරයේ හුදකලා සිරකඳවුරක සිරගත කර තිබේ. ලායි තමාට එරෙහි සියලු චෝදනා ප්‍රතික්ෂේප කර ඇති අතර, 2025 දෙසැම්බර් මාසයේදී ඔහු වරදකරු බව ඔප්පු වීමත් සමඟ හොංකොං අධිකරණය ඔහුට ජීවිතාන්තය දක්වා සිර දඬුවම් නියම කර ඇත. ලබන වසරේ මුල් භාගයේදී ඔහුට දඬුවම් නියම කිරීමට නියමිතය.

දිනත් එක්කම සුබ ආරංචියක් - ඊළඟ අවුරුද්දේ විශ්‍රාම වැටුප් ගෙවන දවස් මෙන්න

එක්සත් රාජධානියේ අග්‍රාමාත්‍ය කියර් ස්ටාමර් සහ ඇමරිකා එක්සත් ජනපද ජනාධිපති ඩොනල්ඩ් ට්‍රම්ප් ඇතුළු බටහිර රජයන් වසර ගණනාවක් තිස්සේ ලායි නිදහස් කරන ලෙස ඉල්ලා සිටි නමුත්, බීජිං සහ හොංකොං බලධාරීන් එම ඉල්ලීම් ප්‍රතික්ෂේප කර තිබේ.

චීන රාජ්‍යයේ දැඩි විවේචකයෙකු වන ලායි, 2019 දී හොංකොං ගිලගත් ප්‍රජාතන්ත්‍රවාදී විරෝධතාවල ප්‍රධාන චරිතයක් ලෙස සැලකෙන අතර, චීන කොමියුනිස්ට් පක්ෂයේ (CCP) ප්‍රමුඛ විවේචකයෙකු ද වෙයි. ඔහු තියැන්අන්මෙන් සමූලඝාතනය විවේචනය කරමින් තීරු ලිවීම ආරම්භ කළ අයෙකු වන අතර, ඇපල් ඩේලි සහ නෙක්ස්ට් ඇතුළු ජනප්‍රිය ප්‍රජාතන්ත්‍රවාදී ගැති ප්‍රකාශන මාලාවක් දියත් කළේය. 

හිටපු අමාත්‍ය සී.බී.රත්නායකට ඇප

අද රත්තරන් මිල ගණන් මෙන්න - රත්තරන් සිහිනය බිඳ වැටෙන ලකුණු