ශිෂ්‍යත්ව විභාගය ආයෙම දරුවන්ට ලියන්න වෙයි ද?.. පේපරේ ප්‍රශ්න 03ක්?. මේ දැන් ලැබුණ ආරංචිය මෙන්න..
krishani
5 ශ්‍රේණිය ශිෂ්‍යත්ව විභාගයේ පළමු ප්‍රශ්න පත්‍රයේ ප්‍රශ්න තුනක් ඉවත් කිරීමට යෝජනා කර ඇත.
ඒ, සමාජ මාධ්‍ය ඔස්සේ ප්‍රශ්න කිහිපයක් හුවමාරු වීම නිසා බව විභාග කොමසාරිස් ජනරාල් සඳහන් කළේ ය.
ඒ අනුව පසුගිය ඉරිදා පැවති 5 වසර ශිෂ්‍යත්ව විභාගයේ මතභේදයට තුඩු දුන් පළමු ප්‍රශ්න පත්‍රයේ, ප්‍රශ්න තුනක් විධිමත් පරීක්ෂණයකින් අනතුරුව ඉවත් කිරීමට විභාග කොමසාරිස්වරයා තීරණය කර තිබෙනවා.
ශිෂ්‍යත්ව විභාගයේ පළමු පත්‍රයට සමාන ආදර්ශ ප්‍රශ්න පත්‍රයක් අලව්ව ප්‍රදේශයේ වට්ස්ඇප් ගෘප්වල සැරිසරන බවට වූ පැමිණිලි මත සිදුකළ විමර්ශනයකින් අනතුරුව එම තීරණය ගෙන ඇත.
කෙසේ වෙතත්, ඒ අනුව හෙට (18) දිනයේ ප්‍රශ්න පත්‍ර පරීක්ෂකවරුන් කණ්ඩායමක් අදාළ ප්‍රදේශයට පිටත්ව යන බවත් ඉන් අනතුරුව සිදුකරන ලද විධිමත් විමර්ශනයකින් අනතුරුව අදාළ මතභේදයට තුඩුදුන් ප්‍රශ්න 3 ඉවත් කිරීමට කටයුතු කරන බවත් විභාග කොමසාරිස්වයා වැඩිදුරටත් සඳහන් කළේ ය.
මේ අතර, ඒ සම්බන්ධයෙන් ඊයේ (16) විභාග කොමසාරිස් ජනරාල්වරයා විශේෂ දැනුම්දීමක් සිදුකර තිබුණා.
ඒ විභාග ප්‍රශ්න පත්‍රයක් සමාජ මාධ්‍ය ඔස්සේ සංසරණය වීමට අදාලව ප්‍රශ්න පත්‍රය සකස් කළ අදාළ නිලධාරී මණ්ඩලය සමඟ අද (17) පරීක්ෂණයක් පවත්වන බවයි.
පෙරේදා (15) පැවති පහ ශ්‍රේණිය ශිෂ්‍යත්ව විභාගයේ ප්‍රශ්න පත්‍රය වට්ස්ඇප් මාධ්‍ය ඔස්සේ හුවමාරු වී ඇති බවට දෙමාපියන් සහ ගුරුවරුන් පිරිසක් චෝදනා කර තිබෙනවා.
ඒ අනුරාධපුර ප්‍රදේශයේ පාසලකින් අදාල ප්‍රශ්න පත්‍රය පිටව ඇති බවටයි තොරතුරු වාර්තා වී ඇත්තේ.
ඒ සම්බන්ධයෙන් සම්පූර්ණ විස්තරය පහතින්,
