දහස් ගණනකින් රජයේ රියදුරු රැකියා

මධ්‍යම රජයේ ආයතනවල සේවයට බඳවා ගැනීමට නියමිත රියදුරන් සංඛ්‍යාවෙන් දැනට තුන්දහසකට අධික පුරප්පාඩු පවතින බව ඒකාබද්ධ රියදුරු සේවක සංගමය පවසා තිබේ.

මේ හේතුවෙන් රජයේ රියදුරු සේවයේ බොහෝ ගැටලු මතුව ඇති බව එම සංගමය පවසයි. රජයේ ආයතනවල රියදුරන් විසිතුන්දහසහමාරක් සේවයට බඳවා ගැනීමට නියමිතව තිබුණද, රියදුරන් විසිදහසකට අධික සංඛ්‍යාවක් දැනට සේවයේ යොදවා ඇති බව ඒකාබද්ධ රියදුරු සේවක සංගමයේ සභාපති යූ.ඒ. ලක්ෂ්මන් පැවසීය. 2016 න් පසු රජයේ ආයතනවල රියදුරන් නිසි ලෙස බඳවා නොගැනීම නිසා මෙම තත්ත්වය ඇති වී ඇති බව ඔහු පැවසීය.

නාමල්ගෙන් සුපිරි වැඩක් හැමෝටම නොමිලේ

පවතින පුරප්පාඩු හේතුවෙන් සමහර සමාගම්වල වාහන පවා සේවයෙන් ඉවත් කිරීමට සිදුවන බවත්, සේවය කරන රියදුරන්ට ඔවුන්ගේ දෛනික සේවා කාලයෙන් පසු සැලකිය යුතු කාලයක් අතිකාල සේවය කිරීමට සිදුවන බවත් සභාපතිවරයා සඳහන් කළේය. කෙසේ වෙතත්, අතිකාල සේවයට අදාළ ගෙවීම් සිදු කරනු ලබන්නේ සීමිත පැය ගණනක් සඳහා පමණක් බවත් ඔහු පැවසීය.

සාමාන්‍ය ක්‍රියා පටිපාටියට අනුව, එක් ස්ථානයක වසර පහක් සේවය කිරීමෙන් පසු වෙනත් ස්ථානයකට මාරුවීම් ලබා දිය යුතු වුවද, සමහර සමාගම්වල වසර දහයක් හෝ දොළහක් අඛණ්ඩව සේවය කරන රියදුරන් සිටින බවත්, එමඟින් රියදුරන්ට විශාල අසාධාරණයක් සිදුවී ඇති බවත් සභාපතිවරයා පැවසීය. රියදුරන් විශ්‍රාම යාම නිසා පුරප්පාඩු සංඛ්‍යාව වැඩි වී ඇති බවත්, වත්මන් තත්ත්වය සලකා බලා රියදුරන් බඳවා ගැනීම කඩිනම් කිරීමට සැලැස්මක් සකස් කළ යුතු බවත් ඔහු පැවසීය.